نيتي كانت سليمة في الفيديو.. عصام الحضري يتقدم بالاعتذار بعد أزمته مع حسام حسن

قدم عصام الحضري مدرب حراس مرمى منتخب مصر المشارك في كأس العرب، الاعتذار عما بدر منه تجاه كابتن حسام حسن المدير الفني لمنتخب مصر الأول لكرة القدم.

اعتذار عصام الحضري

قال عصام الحضري: “إحنا منظومة واحدة وإحنا منتخب واحد، إحنا كجهاز فني ولاعيبة كلنا داعمين للمنتخب الأول طبعًا بقيادة الكابتن حلمي وطبعًا الكابتن حسام حسن”.

وتابع عبر قناة أون: “زي ما قلت لك يا كابتن، مش عيب إن أنت تعتذر وتقول إن في سوء فهم حصل، في سوء فهم حصل في الفيديو، أنا طول عمري وكابتن أحمد حسن طول عمرنا بنقعد نتكلم ونهزر مع بعض، مش عايز أقول بعض الناس ممكن ده سوء فهم، الناس فهمت إن احنا بنتكلم على حاجة أو لأ”.

وأكمل: “إحنا عندنا اثنين عمداء موجودين، كابتن حسام حسن كان عميد لاعيبي العالم واتكرم من الاتحاد الدولي، ثم بعد كده الكابتن أحمد حسن نفس الحكاية بقى عميد العالم واتكرم من الاتحاد الدولي، يعني احنا عندنا اثنين عمداء متكرمين ودي حاجة نفتخر بيها احنا كلنا كشعب مصري، نحتفل ونبقى سعداء”.

وزاد: “هو ممكن يكون التوقيت غلط، بس أنا نيتي مهياش وحشة، وممكن يكون التوقيت غلط، بس أنا زي ما قلت يا كابتن أنا مكنش نيتي أصلًا أي حاجة إلا إن كانت هي هزار أنا وأحمد حسن وطول عمرنا احنا كده بنهزر ونضحك، وزي ما قلت لك لو الناس عندها سوء فهم، حاسين إن هي سوء فهم غلط، أنا بتأسف، مش عيب إن أنا أتأسف”.

وأضاف: “عايز اقول لكابتن حسام طبعًا مبروك الماتش اللي فات، إن شاء الله عندك مهمة صعبة إن شاء الله في ماتش بوركينا فاسو، نتمنى إن شاء الله إن شاء الله ترجع لنا هناك ونحتفل يا رب في بوركينا فاسو ومنستناش إن شاء الله شهر أكتوبر”.

وأتم: “نتمنى لك التوفيق، نتمنى طبعًا كل الجهاز، نتمنى كل اللاعيبة بالإجماع إن شاء الله ترجعوا لنا منصورين وصاعدين كأس العالم إن شاء الله”.

ترتيب مجموعة منتخب مصر في تصفيات كأس العالم 2026

وحافظ منتخب مصر بهذا الفوز على صدارة مجموعته، في تصفيات إفريقيا المؤهلة غلى كأس العالم 2026، وجاء ترتيب المدموعة كالتالي:

1. مصر 19 نقطة.
2. بوركينا فاسو 14 نقطة.
3. سيراليون 9 نقاط.
4. غينيا بيساو 7 نقاط.
5. إثيوبيا 6 نقاط.
6. جيبوتي نقطة وحيدة.

سيناريوهات تأهل منتخب مصر إلى كأس العالم 2026

ويكفي منتخب مصر تحقيق الفوز في مباراة واحدة، من أصل 3 لقاءات قادمة، من أجل ضمان التأهل إلى كأس العالم 2026.