دقائق قبل الموت.. شاهدة عيان تروي تفاصيل صادمة عن مطاردة الواحات

كشفت وجدان محمد، شاهدة على بداية واقعة طريق الواحات، تفاصيل جديدة بعد الحادث الذي وقع مساء أمس الأربعاء، عن مطاردة الشباب لسيارة الفتيات، وفي اليوم ده، صحيت الساعة 6 الصبح عشان كان عندي مشوار، وكنت بموّن من محطة قريبة على طريق الواحات، وأنا راجعة، شفت 4 سيارات قافلين الطريق، فقلت يمكن عُرس أو دفنة، خصوصًا إن في مدافن هناك. لكن فجأة شفت البنات خبطوا في عربية، وواحدة من العربيات جريت.

كما أضافت وقفت عربيتي في نص الطريق ونزلت فورًا رغم إن تليفوناتي وكل حاجة فيها، وشوفت الفتيات في حالة قلق، واحدة اسمها نزال حضنتني أول ما شافتني، وكأنها تعرفني، دخلت نزال وحبيبة عربيتي، وفي بنت تالتة كانت سايقة، واضح إنها صغيرة ومش عارفة تتصرف، حاولت أطلعها من تحت الكابوت بس فشلنا، لحد ما ناس ساعدونا نطلعها بصعوبة.

وأكدت بأن الفتاة كانت حالتها خطيرة جدًا، مش في واعيها، واتصلت بوالدتها أخدتهم على مستشفى أكتوبر، الأستاذ محمد (اللي صور الفيديو) كان ورايا، بعد شوية قالوا لازم تروح مستشفى الشيخ زايد، نزال كانت بتنزف، ورانا كانت حالتها أسوأ، وما قدرتش أنزلها من العربية لأن مفيش كراسي متحركة.

وأكدت بأنها شافت نفس الشاب اللي ضايق الفتيات، ضايقني من كام يوم، بس أنا قدرت أتصرف عشان عندي خبرة في السواقة البنات كانوا صغيرين، ومفيش خبرة، وبطالب بعودة دوريات الشرطة لطريق الواحات، لأنها اختفت بقالها شهور.