لايف موقع بصراحة| «بيزرع القطن بقاله 50 سنة».. حكاية عم لطفي أقدم مزارع قطن في الشرقية والشهير بـ«الفلاح الفصيح»

في لايف مباشر على موقع "بصراحة"، تحدث عم لطفي الكومي، الملقب بـ«الفلاح الفصيح»، عن عشقه العميق لزراعة القطن التي تمتد لأكثر من خمسين عامًا، حيث يُعتبر من أقدم مزارعي القطن في محافظة الشرقية.

العم لطفي:  من ساعة ما وعينا يعني إيه زرع وطلعت غاوي للزراعة

قال عم لطفي: “من ساعة ما وعينا يعني إيه زرع، وطلعت غاوي للزراعة من صغري، وبالذات القطن داه حبيبي ديه غيتي من صغري، كفاية انه بيصلح الأرض علشان جذره عالي ويستحمل أي زراعة نوع جنبه”.

 وأضاف: “باجي الأرض 3 مرات في اليوم، أنا اللي برعى أرضي بنفسي، وبفرح لما ألقى زراعة القطن في الأرض، مهما تجيب أو ما تجيبش، دي بتاعت ربنا، أهم حاجة عندنا إن الزهرة تطلع حلوة”.

العم لطفي: القطن هوايتي و«الذهب الحلو» في حياتي

وأكد عم لطفي لـ"بصراحة": “أنا بخدم أرضي، كل حاجتي عندنا، والأرض تاخد اللي عايزاه بحب، وبحب القطن بشكل خاص، القطن هوايتي، وهو الذهب الحلو”.

واختتم حديثه متمنيًا الصحة والعافية ليستمر في خدمة الأرض: “نفسي دايمًا راضية، والحمد لله على كل نعمة. خليك راضي دايمًا إن الزرعة تطلع حلوة أحسن ما تشغل بالك جابت ولا لا لأن الرزق ده من عند ربنا”.