"رجعتوا أملي في الإنسانية".. هيدي كرم بعد اكتمال علاج الطفل علي المصاب بضمور العضلات

عبّرت الفنانة هيدي كرم عن فرحتها الغامرة بعد نجاح حملة جمع التبرعات لعلاج الطفل علي المصاب بضمور العضلات، مؤكدة أن الدعم والتضامن الكبير الذي شهدته الحملة أعاد إليها الإيمان بالإنسانية.

وقالت هيدي كرم في فيديو نشرته عبر حسابها الرسمي بموقع تبادل الصور والفيديوهات “إنستجرام”: “لمينا الفلوس.. مش قادرة أقولكم السعادة اللي أنا فيها، فخورة إننا مصريين وفخورة بإنسانيتنا، في ناس اتبرعت وأنا مش عارفة جنسيتهم، ورجال أعمال تدخلوا، وبقى عندي أمل في الإنسانية من تاني، إحنا وقت الجد مش بنهزر، ربنا يخلينا لبعض،أنتم رجعتولي إيماني وأملي في الناس”.

وأضافت: “أختي قالت لي إن في ناس اتبرعت بـ100 و150 جنيه، تخيلوا الخمسين جنيه دي عند ربنا عاملة زيها، ناس اتبرعت بآخر فلوس معاهم، ومش هيجيبوا حاجة للبيت علشان يساعدوا غيرهم،دي حاجة كبيرة أوي عند ربنا إن البني آدم ياخد من لحمه الحي ويحرم نفسه وولاده علشان يساعد غيره”.

تصريحات والد الطفل علي 

في وقت سابق، ناشدت أسرة الطفل علي المصريين للتفاعل مع حملتهم لجمع تكاليف حقنة زولجينزما، الأغلى عالميًا لعلاج مرض ضمور العضلات الشوكي، الذي يهدد حياة الطفل.