اشتباك حاد على "تويتر".. ميدو عن كوكا: مهاجم متواضع لا يصلح للمستوى الدولي .. ولاعب  كونيا سبور يرد: أنت فاشل ومبطل كورة وعندك 29 سنة

نشب اشتباك حاد بين كل من أحمد حسام ميدو، نجم منتخب مصر السابق، واللاعب أحمد حسن كوكا، مهاجم منتخب مصر والمحترف بنادي كونيا سبور التركي، بسبب هجوم «ميدو» على «كوكا» ووصفه بأنه مهاجم متواضع لا يصلح لمنتخب مصر .

البداية كانت من ناقد رياضي غرّد عبر حسابه بـ "تويتر": "في الحقيقة أحمد حسن كوكا عامل مسيرة احترافية مميزة جدًا.. النهاردة أحرز هدفه الـ99 في الملاعب الأوروبية وهو ثاني الهدافين من المصريين المحترفين في الخارج بعد محمد صلاح والثالث من حيث عدد البطولات بعد محمد النني وصلاح وأرقام تانية كثيرة مميزة.. كل التحية لمسيرته".

ونشبت الأزمة بعدما رد أحمد حسام ميدو، على التويته، قاصداً احمد حسن كوكا:" مهاجم متواضع لا يصلح للمستوى الدولي ولو أحرز 1000 هدف".

ورد احمد حسن كوكا، مهاجم كونيا سبور التركي، هجوم أحمد حسام ميدو قائلاً:" مهاجم متواضع؟ اولا هو انت اصلا مين طلب رأيك؟ ثانيا انت مبطل كوره وانت عندك ٢٩ سنه و كل الناس عارفه ليه.

وتابع كوكا:" ثالثا لو رقم الاهداف الي انا جايبه شايفه قليل ماجبتوش انت ليه؟ .. مع ان الي بيلعب في نادي اكبر فرصه بتكون اكتر في التسجيل.".

وأضاف مهاجم كونيا سوبر في تغريدات متواصلة:" رابعا حاولت تبقي مدرب و مبتكملش شهر في اي نادي".

وقال :" خامسا بتحاول تبقي اعلامي و تتكلم عن ده وده عشان تبقي تريند بأي شكل ، اي حاجه عايز تدخل فيها ، ده حتي صلاح في اول مشواره كنت بتتكلم عليه وحش ، الحقد عالي اوي عندك من زمان وانت بتتكلم وحش عني".

ودخل أحمد حسام ميدو ليرد على كوكا قائلاً:" عمري ماروحت المنتخب علشان مناسب حد مهم..انت عارف كويس انت كنت بتروح المنتخب لسه..رد في الملعب حاول تروح المنتخب..انت لاعيب تعبان وكل مؤهلاتك نسبك وانت عارف كويس".

وتابع ميدو هجومه على كوكا:" عمري ما لعبت في دوريات الالاضيش اللي انت بتلعب فيها..يا اهبل مصر كلها بتقول انك لاعيب على ماتفرج مش انا بس وتاني انت عارف كويس انت كنت بتروح المنتخب ليه".