عمرو سعد: حالة الإنبهار في موسكو بسبب حفل المومياوات الملكية

قال الفنان عمرو سعد، إنه حاليا يصور مسلسله الرمضاني الجديد في موسكو بروسيا، إنه أحد الأفراد الروسيين الذين يعملوا معه أبلغه أن أولاده وأصدقائهم قد سافرو إلى مصر عندما شاهدوا جزء من احتفالية نقل المومياوات الملكية.

وأضاف عمرو خلال صفحته الرسمية بموقع “فيسبوك”، قائلا: “قعد يحكي قدي ايه حصل ليهم سحر وانبهار بمصر لقيت نفسي طلعت الموبايل وفتحت ملف صور خاص عندي عن مصر فيه ٩٠ صورة جميلة، لقيت الراجل مذهول وقال مصر بلد كبير وعظيم، أنا بقي جه علي بالي الراجل الرائع المخلص محمد السعدي واللي بيقدم اجمل وابهي صورة عن مصر”.

وتابع: “واللي قدر يحقق اللي ملاييين من الشباب بيحلموا بيه وهو ان الناس بره مصر تعرف مصر الحلوة وتحس بقيمة وعظمة الناس والارض والمكان علشان تاخد المكانه اللي تستحقها.. وانا شوفت محمد السعدي قد ايه بيشتغل هو وكل التيم بتاعة بجهد رهيب وشياكة علشان مصر مش صحراء وهرم وجمل وعشوائيات”.

وأشار عمرو سعد: “مصر حضارة وتاريخ وشياكة وكرم وتنوع وشمس ومناخ وناس طيبين بيعشقوا الغريب، مصر مكان ومكانه وكرامه، تراث مافيش زيه في العالم، وحاضر بيتطور بدراع الناس الجدعان الوطنيين والمخلصين”.