نبيلة عبيد باكية خلال مداخلة هاتفية مع «بصراحة»: عايزين ياخدوا شقتي في جامعة الدول

أعربت الفنانة القديرة نبيلة عبيد عن حزنها الشديد بعد محاولات لأخذ شقتها في جامعة الدول العربية، مشيرة إلى أن شقتها بها جميع تاريخها السينمائي ولن تقبل بذلك.

وقالت نبيلة عبيد في تصريح خاص لـ"بصراحة": الشقة فيها كل ما أملك فيها وذكرياتي وتاريخي السينمائي كله موجود فيها بداية من رابعة العدوية ونجاحاتي في الراقصة والسياسي موجود فيها أجيب منين مكان أحط فيه كل تعبي ده؟ فني اللي خايفة أرميه بعد كده يبقى على سور الأزبكية أنا خايفة على تاريخي مينفعش تترمي من يوم وليلة عشان شقة تتأجر مش هسمح تاريخي يترمي في الشارع.

وأضافت: مينفعش ده تاريخي السينمائي كله في الشقة دي لما بفتحها بشم ريحة نجاحي وريحة أمي فيها كل صوري اللي كنت باخدها موجودة في الشقة دي لما بخشها برتاح مقدرش من يوم وليلة يحصل كده أنا مجرباها ومجربه اللي أنا فيها دي كانت قدم الخير عليا وبتمنى أرجعلها أودي حاجتي فين أعملوه متحف لما يجرالي حاجة أما من دلوقتي كده هروح بحاجتي فين أرجوكم أنا تاريخ في السينما وعملت أبرز الأفلام.

وتابعت: أنا وحيدة لا أتجوزت ولا خلفت وبشم ريحة أمي في الشقة دي وبخش بالشنط وكله مش بزهق إن فيها تراب تصوير الفوتغرافيا فيها اعتقد إني عملت تاريخ حلو.