الرئيس السيسي: “مفيش زراعة تاني لنباتات زينة أي نقطة ميّة لازم نستخدمها"

وجه الرئيس عبد الفتاح السيسي، بمنع زراعة نباتات الزينة.

وقال الرئيس خلال افتتاح عدد من المشروعات التنموية في صعيد مصر منها المشروع القومي «توشكى الخير»:" مفيش زراعة تاني لنباتات زينة، نشوف الموضوع ده يتعمل إزاي مادام نقطة المية اللي بستخدمها صالحة لنبانات مثمرة، ونقطة المية اللي هتكون مش صالحة نبقى نشوفها».

وتابع الرئيس السيسي: “مشروع توشكي ناجح حتى لو 60% فقط من أراضيه صالحة للزراعة".

وتابع الرئيس السيسي:" مشروع توشكى، ناجح، حتى لو 60% من الأراضي فقط صالحة للزراعة، ومش هنحط إيدنا على خدنا ونقول مش قادرين.. كل قطعة أرض لازم نزرعها ".

وتساءل رئيس الجمهورية: «هل عندنا أراضي في مصر غير الدلتا فيها أراضي صالحة للزراعة أكثر من 60%، لأ مفيش، حتى مستقبل مصر في وادي النطرون، هل الأراضي هناك صالحة 100%، الأرض اللي في الدلتا بس هي اللي قابلة للزراعة، والباقي بيعبر عن طبيعة أرضنا».

واستكمل الرئيس: «هل هنقعد إيدينا على خدنا ونقول مش قادرين؟.. مفيش نقطة مية إلا ونستخدمها ومفيش نقطة أرض إلا ونزرعها».