جسمي بينتفض.. إيناس عز الدين تعلن إجراءها عملية جراحية في العين

أعلنت الفنانة إيناس عز الدين عن خضوعها لعملية جراحية في العين، وذلك من خلال منشور لها عبر حسابها الشخصي بموقع التواصل الاجتماعي فيسبوك.

وكتبت إيناس عز الدين: عملية عاجلة في عيني وأنا عندي فوبيا من عمليات العيون، وفكرة إني أشوف بيحصل إيه في عيني حتى لو تحت التخدير مخلياني جسمي بينتفض.

وأضافت: والله دخلت جراحات كتير بس ببنج كلي ومعنديش فوبيا من الجراحات عموماً، إلا في العين فكرة جراحة وأنا صاحية ومفتحة وفي عيني وأشوف الأبر وكل حاجة بتدخل في عيني مموتاني.

وتابعت: ادعولي تعدي على خير وربنا يقويني لأن فعلاً مش قادرة أوصف الحالة اللي أنا فيها، وكل ده بسبب خطأ طبي ومتابعة خاطئة كمان وتثبيت من الدكتورة وفي المتابعة تقولي عينك زي الفل وبتتحسن والجرح قفل.

وأختتمت إيناس عز الدين: هي تتدهور يوم بعد يوم من مشكلة بسيطة بشهادة كل الدكاترة، يدوب محتاجة قطرة ومضاد حيوي ويومين راحة وابقى زي الفل لجرح وصل لـ ٤ مل ولعملية وتليف في جزء من الملتحمة وقص وخياطة وليلة كبيرة بلا داعي.