القصة الكاملة لإنهاء موظف حياته بالقفز من الدور الثالث.. زميلته دافعت عنه بفيديو على السوشيال وفجرت مفاجآت عن تعامل المدير السيئ مع موظفيه 

كشفت روشان البغدادي، عن تفاصيل إنهاء زميلها في العمل لحياته أثناء العمل بسبب تعسف المدير ، مما اضطر إلى إلقاء نفسه من الدور الثالث.

وقالت روشان البغدادي، في فيديو نشرته على صفحتها على موقع التواصل الإجتماعي "فيس بوك" للكشف عن تفاصيل الواقعة، منوها أن زميلها تعرض لمعاملة سيئة جدا من المدير الذي قرر خصم 4 أيام له بسبب كثرة دخوله الحمام.

وتابعت: زميلي ده كان عليه ديون بـ 15 ألف جنيه وجايب أجهزة منزلية بالتقسيط، والمدير بيتعامل بشكل سيئ جدا مع الموظفين اللي عنده ويفضل يضغط عشان يحققوا التارجت بتاعهم، وقبل نهاية السنة يضغط عليهم أكتر عشان يمشوا من العمل ويحرمهم من البونص السنوي.

وذكرت روشان البغدادي، أن متوسط المرتبات في الشركة لا يصل إلى 5000 جنيه ، وأنا بتكلم ومش خايفة من الشركة إنهم يرفدوني ونفسي قوانين العمل تتغير، وبالفعل مدير الشركة كلمني عشان يقعد معايا.

وتابعت زميلة الموظف المنتحر بمقر عمله: "تعامل المديرين في الشركة مع الموظفين كأنهم خرفان في زريبة، عمري ما شوفت نظام كروت للتهديد بالفصل عشان أخش الحمام".

وأضافت وهي تبكي: أنا كنت واقفة جنبه وهو بياخد آخر نفسه في المكان، أنا لحد دلوقتي مش عارفة أقوم من السرير ولا أدخل المكان تاني، متابعة: يا جماعة أنت كتيم ليدر أو مدير حط نفسك مكان أي حد، أنت مسؤول، لازم تحسوا بالناس اللي تحت إيديكم.