جنش يفجر مفاجأت عن عقده مع الزمالك: "وقّعت بـ 150 ألف جنيه وكنت باكل كشري ومولتو من قلة الفلوس"

كشف محمود عبدالرحيم "جنش" حارس مرمى الزمالك السابق، تفاصيل عن عقده الأول مع الفارس الأبيض، والأزمات المالية التي عانى منها بسبب تأخر صرف المستحقات.

جنش يلعب حاليًا مع مودرن سبورت وكان رحل عن الزمالك منذ موسمين.

وقال جنش في تصريحاته: "أول 3 سنين مع الزمالك كنت متفق أخد 600 - 700 ألف ومضيت بحسن نية لقيتهم 150 ألف".

جنش يروي معاناته

وتابع: "مكنتش بروح التمرين وقت الكابتن حسن شحاتة قالي مبتجيش ليه قولتله أكذب عليك يا كابتن؟ أنا مش معايا فلوس أجي من إسكندرية فبعتلي فلوس وقالي تاني يوم في التمرين لما يبقى في حاجة قولي قولتله الصراحة أنا بتكسف".
 

وواصل: "والله عدى عليا وقت في الزمالك مكنتش باكل كنت باكل مولتو وكشري في النص".

وتُوج جنش مع الزمالك بالعديد من البطولات المحلية والقارية وكانت له علامة بارزة مع الفريق.