محمود سعد بعد عودته لقناة النهار: مش بيهمني التريند باب الخلق منكم

أعرب الإعلامي محمود سعد عن سعادته البالغة بعودته من جديد لتقديم برنامجه باب الخلق عبر فضائية النهار، مشيرًا إلى أن غرضه ليس التريند ولكن قصة المواطن البسيط هي ما يُهم البرنامج.

وقال الإعلامي محمود سعد في أولى حلقات البرنامج: بقالي كتير مطلعتش معاكم في قناة النهار 3 سنين أو 4 بشتغل في قناة من أخر سنة 2011 ، وجيت في سنة 2018.

وأضاف: عملت برنامج سميته على اسم الحي اللي أنا اتولدت فيه، حي باب الخلق، هو أصله باب الخرق، لإنهم كان بيجيبوا فيه قصائيص القماش وبيعملوا بيه سجاجيد فعملت باب الخلق سنة 2018 ، وبعدين خدت استمارة 6 مش مشكلة وبعدين اتنقلت على السوشيال ميديا وبعدين قناة تانية وبعدين رجعت لـ قناة النهار، ودي يعتبر بداية السنة التامنة لباب الخلق.

وواصل: ميهمنيش أكسر الدنيا اللي يهمنا حاجة واحدة سواء أنا أو علاء الكحكي أو محمد هاني، إنك وأنت بتتفرج متنزعجيش، لو محبتيش البرنامج على عينا وراسنا، لكن يمكن يكون فيه حد قاعد جنبك شايف إن البرنامج بيدعبس في وشوش الناس ونسمع الناس وهي بتشتغل، ونبص في الحجارة ونحكي حكاياتها ويدينا دفعة كبيرة جدًا إننا نقدر نتعامل مع الحياة سواء ناعمة أو خشنة وصعبة.

وتابع: يهمنا إني لو قدمت حاجة متبقاش أنت شايف إننا بنسرق وقتك، لإن ثبت إن من الناس المثقفين إن الحياة شوية قصص، إنما هل إن إحنا نقرر الحاجات اللي عملها جد جدا الوحشة إحنا بنقررها بحذافيرها مش مركزين ومش منتبهين ومش مصدقين، باب الخلق برنامج منكم وبحب تبعتولي وتقولولي في حالة كذا تعالى صور معاها، إحنا هنا بندور على التريند بس بنحكي عن قصة مواطن بسيط يقدم، ده غرضنا من باب الخلق.