ياسمين عز: جوزك مش بيخونك.. ده بيتفرج على الأهلي الفجر

وجهت الإعلامية ياسمين عز رسالة خفيفة الظل إلى السيدات، عبر برنامجها "كلام الناس" المذاع على قناة "MBC مصر"، بالتزامن مع مشاركة النادي الأهلي في كأس العالم للأندية.

بيتفرج على الماتش مش بيخونك 

قالت ياسمين: "لو لقيتي جوزك بيتسحب على طراطيف صوابعه الساعة 4 الفجر، ده مش رايح يخونك ولا متجوز عليكي، ده رايح يتفرج على ماتش الأهلي"، مؤكدة أن هناك فرق توقيت بين مصر وأمريكا يصل إلى 8 ساعات.

سيبيه يفرح.. والأهلي مش منافسك

وأضافت ياسمين أن النادي الأهلي مصدر فرحة للرجال، قائلة: "ما تستكتريش عليه الفرحة، متقارنيش نفسك بالأهلي، ده بيفرحه كتير، سيبيه يتفرج في أمان".

واختتمت حديثها بنصيحة طريفة: "قومي قطعي له بطيخ فيليه من غير لب، وشجعيه على المتابعة"، في دعوة للزوجات لدعم أزواجهن في لحظات متعتهم الكروية.