لميس الحديدي: الناس عندها قلق وبتقول هيحصل لنا إيه؟!
أكدت الإعلامية لميس الحديدي إن الضربة الأمريكية لإيران وتوسيع العمليات العسكرية في المنطقة يثيران قلق المصريين ومتابعتهم وتساؤلاتهم، في ظل اشتعال الأوضاع الإقليمية.
كما قالت الحديدي خلال تقديمها برنامج «كلمة أخيرة» على شاشة ON: «الناس في مصر قلقة وبتقول: هيحصل لنا إيه؟ رغم إن الحرب الإسرائيلية الإيرانية قد تبدو بعيدة جغرافيًا، لكن الناس عندها قلق، وبتسأل: هيحصل لنا إيه؟ من تأثيرات اقتصادية، وسياسية، وغيرها.»
أوضحت:«الأسئلة في الشارع والسوشيال ميديا بتقول: الدور على مين؟ وإزاي مافيش رادع لإسرائيل؟ والحقيقة محدش يقدر يقول إيه اللي هيحصل، لكن المؤكد إن القيادة، والقائمين على الأمن القومي، والقوات المسلحة المصرية، قدامهم كل السيناريوهات مفتوحة، وعندهم تقديرات سياسية وعسكرية واستراتيجية للتعامل مع كل الاحتمالات.»
وتابعت: «لدينا قوات مسلحة قوية، وجيش مصري وقيادة سياسية عاقلة وقادرة، والمهم: كيف سنتعامل مع كل السيناريوهات حال اتساع الصراع؟ لازم نكون مستعدين، وده على مستوى السياسة العليا والاستراتيجية، ويجب أن نشعر بالثقة تجاهه.»
وأكملت الحديدي: «على مستوى الحكومة، أعلنت إنها جاهزة لسيناريوهات مختلفة من حيث السلع والغاز، وهناك خطوات لتسريع ربط سفن التغييز. وإسرائيل اليوم أوقفت تصدير كميات الغاز مجددًا من حقل تمار، لأنهم بيقولوا إن عندهم احتياجات محلية، ولازم نسرّع في ربط الغاز اللي إحنا مستوردينه، واللي موجود بالفعل في الموانئ.»
وختمت:«إحنا في منطقة مشتعلة، في قلب العاصفة، ومش بعيدة عننا. بس لازم نفكر ونعمل ونحط سيناريوهات مختلفة، ونتماسك، ونكون على أهبة الاستعداد.»
جوجل نيوز
واتس اب
جوجل نيوز
