بعد 100 يوم من قضية «الآثار الكبرى».. رجل الأعمال حسن راتب يروي كواليس القبض عليه من أوراق التحقيقات (تفاصيل)

ينشر موقع بصراحة، أهم ما جاء في أقوال حسن راتب، في قضية الآثار الكبرى، المتهم فيها مع النائب البرلماني السابق علاء حسنين. - كنت موجود في البيت الساعة 11 بالليل و اتفاجئت بمجموعة من الضباط عددهم 8 طلبوا مني إخلاء الضيوف لعمل إجراءات التفتيش للبيت وبعدها أخدوني بالملابس اللي كنت لابسها في البيت لقسم شرطة أبو النمرس

- قعدت لحد الساعة 1 صباحا وبعدها تم ترحيلي إلى جهة شرطية أخرى تقريبا في مصر القديمة والساعة 10 صباحا تم ترحيلي عربية نقل المسجونين مقيدا بالكلبشات مع أمين شرطة لغاية ماجيت النيابة هنا بالكلبشات

-محدش فتشني شخصيا لكن فتشوا منزلي بمعرفة الضباط ومفيش أي حاجة اتاخدت من البيت والناس كانوا محترمين في التفتيش كانوا بيرجعوا كل حاجه مكانها

-قبل مانتحرك من البيت سألت الضباط أخد تليفوناتي وأغير هدومي لكنهم قالولي مفيش داعي انت وقت قليل وهترجع وعشان كدا سيبت تليفوناتي في البيت وجيت بهدومي اللي معروض بيها هنا في النيابة

-طلبت منهم أني أروح أغير هدومي أو أجيب دواء بس مرضيوش لكن محدش كلمني في موضوع أنا جاي ليه وحتى لما روحت المكان اللي في مصر القديمة برده محدش سألني أو جاوبني أنا جاي ليه