"بستمد قوتي منكم عشان أقدر أغني".. تامر حسني لجمهوره بالكويت

أحيا الفنان تامر حسني مساء الجمعة 13 يونيو حفلًا غنائيًا في الكويت، وفي بداية الحفل وجه رسالة لجمهوره ليشكرهم على اهتمامهم بالسؤال على نجله آدم والدعاء له.

وخلال الحفل، ظهر تامر حسني بملامح حزينة بسبب الوعكة الصحية التي يمر بها ابنه، وقال في فيديو تم تداوله عبر مواقع التواصل الاجتماعي من الحفل: "انتوا مصدر قوتي علشان أقدر أغني، انتوا عارفين الظروف طبعًا".

ووجه حسني لجمهوره رسالة شكر معلقًا: "بشكر كل حد فيكوا وكل حد على السوشيال ميديا دعا لابني، ربنا يحفظكم يارب وليكم مثلها وأضعاف كمان، وأنا هبدأ معاكم الحفلة أنا عارف أن ملكوش ذنب في أي حاجة".

تطورات الحالة الصحية لـ ابن تامر حسني

وكشف تامر حسني عن تفاصيل الوعكة الصحية التي تعرض لها نجله من قبل، وكتب عبر حسابه الشخصي بموقع التواصل الاجتماعي "فيس بوك": "أنا مش عارف أشكركم إزاي على كم الدعوات اللي دعيتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا".

واستكمل: "هو عمل عمليتين كبار بسبب انفجار الزايدة المفاجيء، اللي كانت أعراضها سخونية عادية بس، وبقولكم كده علشان تبقوا حريصين مع نفسكم أكتر ولولادكم، ومش كل سخونية تقولوا ده شوية برد وخلاص لا روحوا اكشفوا كويس، واعملوا سونار على البطن والزايدة مرة و2 عشان برضو ساعات مش بيبان، ولازم الدكتور يضغط بطريقة معينة، تقريبا أقوى شوية عشان يعرف لان الزايدة خداعة".

واختتم تامر حسني منشوره قائلًا: "اطمنوا كذا مرة  قبل لحظة انفجارها عشان بجد مشاكل بتحصل بعدها كبيرة ومحزنة أوي، وحبيبي آدم عمل عمليتين صعبين اوي عليه".