حلا شيحة تنصح جمهورها بقيام الليل: بتشيل التعب النفسي وبركة اليوم

دعت الفنانة حلا شيحة جمهورها للالتزام بقيام الليل وذلك من خلال منشور لها عبر حسابها الشخصي بموقع التواصل الاجتماعي “انستجرام”.

وكتبت حلا شيحة: مفيش أحسن من صلاة قيام الليل أنا قعدت فترة كبيرة بصلي قيام الليل ولاحظت نشاط في يومي وبركة وكل حاجة كان نفسي فيها بحس فيها بركة واللي تعبان نفسيًا أو جسمانيًا ولو عنده أي مشكلة يقوم بالليل يصلي قبل ما ينام ركعتين.

رؤيا حلا شيحة ليوم القيامة

وكانت قد كشفت الفنانة المعتزلة حلا شيحة عن رؤياها ليوم القيامة، وذلك منى خلال فيديو عبر قناتها الرسمية بموقع الفيديوهات الشهير “يوتيوب”.

وقالت حلا شيحة: كنت مسافرة ومخنوقة جدًا، اتكلمت مع ربنا وشوفت رؤيا ليوم القيامة، كنت واقفة على أرض بيضا بتلمع، ورايا جبال وقدامي بحر وسما وحشين جدًا.

وأضافت: بس أنا شيفاهم حلوين، وأنا ببص للسما شوفت ملك على شكل طائر جناحاته كبيرة سادة السما، الملك نزل على الرمل اللي واقفين عليه وكل الناس وقفت صفوف، نده عليهم.

وأختتمت حلا شيحة: أنا خوفت من الحساب حاولت أهرب، بس نده عليا وقالي يا حلا يا بنت نادية ده معاد الحساب، وخدني معاه، وشوفت عنكبوت شعره كله شوك في البحر، الغريب لما صحيت من النوم وببص من البلكونة شوفت العنكبوت في البحر قدامي.