سارة نخلة تهاجم أحمد السقا: هي الرجالة حصلها ايه فين النخوة وتسريح بإحسان

هاجمت الإعلامية سارة نخلة الفنان أحمد السقا بعد منشوره المثير عن طليقته الإعلامية مها الصغير، مشيرة إلى أن ما فعله خطأ كبير.

وقالت سارة نخلة في منشور عبر حسابه الشخصي بموقع التواصل الاجتماعي فيسبوك: هي الرجالة حصلها ايه هو هرمون التستوستيرون بقا ناقص اوي للدرجة دي .. يعني ايه !!! هو فين النخوة فين تسريح بإحسان ؟؟ ما تسيبها فحالها تتجوز ولا تعشق ولا تحب انت مالك !؟؟!.

وأضاف: للدرجة دي محروق ما هي ياما استحملت نزواتك و ياما عدّت و سكتت عشان بيتها و عشان حضرتك و كبرتلك عيالك و سامحت كتير بس حضرتك كنت فاكر انها هاتفضل مستحملة طول العمر !!! فاكر انك ضامنها زي ما تكون راكور معاك لنهاية الفيلم. هو ايه المجتمع الغريب الظالم الي بيظلم ست عشان قررت تعيش حياتها بحلال ربنا.

وواصلت: هو ليه الراجل من حقه يتجوز بعد ما يطلق بيوم واحد عادي جدا و يجمع بين اتنين عادي بس الست ما ينفعش تعيش حياتها بعد طلاقها !!!! هو انتو مريضين ؟؟!!! ما ترحمونا بقا و استرجل استرجل او حاول تمثل انك راجل زي ما عودتنا .. طلع كله تمثيل  الراجل المحترم بيمشي بأدب و احترام مش بيلقح زي النسوان و زي اخته على السوشيال ميديا.. اسفخس عليك راجل ناقص.