انتصار عن محمد إمام: معندناش نجم شبهه في مصر لا شكله ولا ملامحه |خاص

أعربت الفنانة انتصار عن سعادتها البالغة بالمشاركة مع النجم محمد إمام في فيلم “صقر وكناريا”، الذي من المقرر طرحه في الفترة المقبلة.

وقالت انتصار خلال لقائها مع موقع “بصراحة”: فرحانة بمحمد إمام جدًا وحاسه إن هو سيعلو نجمة أكتر وأكتر إحنا معندناش نجم شبهه لا في ملامحه ولا في شكله ولا في طريقة أدائه.

وأضافت: كوميديان وصعب تلاقي نجم كوميديان وجان مش كاركتر بس فرحانة جدًا بالعمل مع محمد أنا من محبي محمد ومحبي أدائه وشكله وقبوله العالي.

مسلسل إش إش

وعن مسلسل إش إش قالت: كان رقم واحد في رمضان وكسر الدنيا على المنصات والشاشات كلامي بالأرقام مش كلام وخلاص وكل أعمال محمد سامي شيقة والناس بتحب تتعلق بأعمالك أحسن مسلسل في رمضان.. أنا لما بتكرم في حاجة بيبقى عشان إخلاص كابوريا وبيقولوا ليا في الشارع يا كابوريا.

وأضافت: من تالت يوم رمضان وأنا تريند والناس قالت عليا جوكر رمضان، بشكر كل جمهوري اللي كتب على الفيس وسائل التواصل الاجتماعي كلامكم حسسني إنكم عارفين تنتقوا الحاجات الحلوة اللي تتشاف.

وواصلت: الجمهور هو اللي أداني الجايزة من أول ما اتعرض المسلسل لحد دلوقتي، ورحمة أحمد وابنها في 80 باكو كان أحسن اختيار في الدنيا وكانت مسمتعه وهي واخده ابنها في حضنها.

أبطال مسلسل إش إش

ضم مسلسل إش إش نخبة كبيرة من النجوم ومن أبرزهم، مي عمر، محمد الشرنوبي، انتصار، إدوارد، الراقصة دينا، شيماء سيف، يهاب فهمي، خالد الصاوي، والمسلسل من تأليف محمد سامي ومهاب طارق، وإخراج محمد سامي.