مجدي عبد الغني يهاجم إدارة الأهلي بسبب جيلبرتو وجوزيه.. ويكشف أسماء اللاعبين المدخنين

انتقد مجدي عبد الغني نجم الأهلي الأسبق تكريم مجلس إدارة النادي الأهلي للانجولي جيلبرتو الظهير الأيسر الأسبق للفريق بوضع حجر في استاد الأهلي الجديد يحمل أسمه.

وقال مجدي عبد الغني خلال تواجده ضيفا مع عمر ربيع ياسين ببرنامجه"مان تو مان " عبر صفحته الرسمية :«رايحين تجيبوا جيلبرتو تحطوا طوبة باسمه في استاد الأهلي..ده في إنجولا ميعرفهوش .. وتعملوا طوبة لمانويل جوزيه أومال إحنا فين».

ويضيف مجدي عبد الغني: «جوزيه معملش تاريخ زينا ..فين مجدى عبد الغنى وربيع ياسين وماهر همام وأحمد عبد الباقي ..جايبين زيزو بس هو زيزو اللي عمل تاريخ الأهلي بس»

وأكمل مجدى عبد الغنى:«التاريخ مش بيتمحي ومحدش يقدر يمحي تاريخنا في الأهلي ..عيب اللي حصل».

مجدي عبد الغني يكشف أسماء اللاعبين المدخنين بالأهلي

كما كشف مجدي عبدالغني، عن ظاهرة التدخين بين اللاعبين، وحقيقة انتشارها أثناء فترة وجوده مع النادي الأهلي ومنتخب مصر.

وقال مجدي عبدالغني: «ظاهرة اللعِّيبة اللي بتشرب سجاير موجودة، وعلى أيامنا كان في لعِّيبة كتير بتشرب».

وأضاف: «محمد بركات كان بيشرب سجاير، وبرضه طاهر أبوزيد كان بيدخن، وإكرامي، الحقيقة دول بس اللي فاكرهم بس في لاعيبة كتير بتشرب».

وأكمل: «دول كلهم كانوا مدخنين وبيشربوا وهما بيلعبوا، وفي كمان جمال عبد العظيم أول لعيب كان بيشرب شيشة بقا مش سجاير».