كندة علوش: ولادي مصريين وعايزاهم يشربوا الحضارة ميبقوش خواجات

كشفت الفنانة السورية كندة علوش عن طريقة تربيتها لأبنائها، مشيرة إلى أنها تحرص أن يكونوا متجذرين ويكونوا فخورين بحضارتهم.

وقالت كندة علوش في تصريحات تلفزيونية: كنت حريصة إني أوصل لبنتي إنها جاية من مكان حضارته كبيرة ولازم تكون فخورة ده قرار عندي من الأول إن ولادي يبقوا متجذرين جدا.

وأضافت: مش عايزاهم يبقوا الولاد الخواجات أنا ولادي مصريين ولازم يبقوا متشربين الحضارة والثقافة والفن في كل حاجة.

تفاصيل إصابة كندة علوش بالسرطان

وكانت قد كشفت الفنانة كندة علوش تفاصيل مرضها، وذلك خلال لقائها مع الإعلامية لميس الحديدي في برنامج كلمة أخيرة، المذاع عبر فضائية on.

وقالت كندة علوش: الكيماوي وقع شعري واشتريت باروكة ومشيت من غيرها ولكن لم أستخدمها والوجع الحقيقي كان لما أمي تعبت بنفس المرض لكن ربنا اداني سلام نفسي كبير مريت بالتجربة من غير تروما، وحاليًا أصبحت أقوى.

مازحت الإعلامية لميس الحديدي الفنانة كندة علوش حول أدائها في مسلسل إخواتي، قائلة:"الصوت العالي في المسلسل كان رهيب! هو إنتِي في الحقيقة بتزعقي كده؟".

لترد كندة ضاحكة خلال لقائها في برنامج كلمة أخيرة على قناة ON:"صوتي عالي أوقات، بس أكيد مش بزعق كده! دي طبقة صوت جديدة عليا، ومكنتش جرّبتها قبل كده قبل (إخواتي)."

وأضافت مازحة :"في البيت طبعًا مش بزعل كده،  أكيدباقية على البيت مش هزعق كده!"

وسألتها لميس عن مشهد الضرب، وهل كان حقيقياً، فأجابت كندة:"آه، كان حقيقي، والمخرج ادانا مساحة نجرّب، وفيه حاجات حصلت في التصوير ما كانتش مكتوبة، زي كسر السرير! وبعد المشهد اعتذرت له طبعًا."

ثم سألتها لميس:"طيب لو لا قدر الله حصل مشابقه  في الحقيقة، هتتصرفي زي ناهد؟"لتجيب كندة:"أكيد لأ! ناس كتير بتسمع عن خيانة، بس وقت المواجهة محدش يعرف ممكن يعمل إيه. بس أكيد مش هتصرف زي ناهد، وأنا يمكن أكون أشيك شوية."

ولما سألتها لميس:"في المواقف تفضلي المواجهة ولا الانسحاب؟" قالت كندة:"أفضل المواجهة، أنا مش من الناس اللي بتكتم جواها. لما بنكدس المشاعر، بيحصل فجوة، والمسافة تزيد . حتى مع أصحابي، ما بحبش أكتم، لازم أقول لو مضايقة."