"مغريات الحياة مش هتنتهي فـ متجبش اللوم على المسلسلات".. تامر نادي يرد على الانتقادات (خاص)

تحدث المخرج تامر نادي عن كواليس مسلسل "منتهي الصلاحية" وعن فكرته التي تدور حول لعبة المراهنات الإلكترونية وأضرارها على المجتمع.

وقال تامر نادي في تصريح خاص لموقع "بصراحة الإخباري" إن الفن هدفه التسلية والإمتاع من خلال محتوى يتضمن رسالة معينة أو وجهة نظر فلسفية أو قضية يتغافل عنها المجتمع، مضيفا "الفن رسالته اللي بنسعى ليها إننا أزاي نسلي الجمهور بالإحساس اللي عايزه، يعني ممكن يتسلى ويتعلم في نفس الوقت".

استكمل "نادي" حديثه عن الفن والهدف منه معلقا: "هدفنا نسلط الضوء على المشاكل والقضايا حتى لو بشكل كوميدي فيه تسليه للجمهور، لأن الفن أداه مش سهلة خالص لو مراعتش ربنا فيها تبقى بتوجه الناس والشعوب لحاجات مش كويسة".

ما يميز دراما رمضان 2025 عن غيرها

أما عن دراما رمضان 2025، قال تامر نادي إنها تميزت بطرح موضوعات جديدة وتسليط الضوء على قضايا مجتمعية مهمة، والمواضيع أصبحت بتفرض نفسها مقارنة بالمواسم الرمضانية الماضية.

تامر نادر يرد على منتقدي كثرة الأعمال الدرامية في رمضان

وأشار المخرج تامر نادي إلى انتقاد الجمهور لكثرة الأعمال الدرامية التي تقدم خلال رمضان معلقا "الكترة مش واجب عليك إنك تتفرج على كل المسلسلات، ده زحم فني موجود علشان تختار اللي يناسبك وتشوفه في رمضان أو بعد شهر رمضان".

واختتم تامر نادي حديثه قائلا: "مغريات الحياة مش هتنتهي فـ متجبش اللوم على المسلسلات، ركز على نفسك وشوف أنت عايز تعمل إيه واعمله".