حلمي بكر: أنا مش ضد محمد رمضان بس الغنا مش بالعضلات

انتقد الفنان حلمي بكر، الفنان محمد رمضان مؤكداًبانه لا يصلح للغناء.

وقال حلمي بكر خلال لقائه مع برنامج "نص الكلام" المُذاع على فضائية «آخر النهار»، :" أنا مش ضد محمد رمضان.. ومحدش ضد النجاح.. هو نجح لما عبر عن فئة الغلابة.. بس هي العضلات ودهن الزيت على جسمه يبقى ده الغنا! .. لما ألاعب عضلاتي زي الراجل الحاوي يبقى هو ده الغنا! .. انتوا عايزين تروحوا فين!".

وتابع الموسيقار أن سبب وجود جمهور كبير لـ محمد رمضان هو دخوله السينما، وتوجه لـعمل دور "الغلابة"، معقباً: "وظف حب الجمهور ده في خدمة الدراما .. اطلع في دراما غنائية .. لكن متطلعش تغني على المسرح .. أنا مش ضد محمد رمضان .. ومحدش ضد النجاح .. هو منجحش من فراغ .. هو نجح لما عبر عن فئة الغلابة .. فأنا بحذره لأنه نجم".