رانيا يحيي: مستشفى الناس تحتاج تبرعاتكم لتوفير العلاج بأعلى مستوي لغير القادرين

أجرت المؤثرة وصانعة المحتوى رانيا يحيى، زيارة لمستشفى الناس الخيري لعلاج أمراض القلب والجهاز الهضمي والسكرى بالمجان، وذلك في إطار سلسلة من الزيارات التي يقوم بها المشاهير ونجوم المجتمع إلى المستشفى لتقديم الدعم النفسي والمعنوي للمرضى والمشاركة في التوعية.

تضمنت زيارة المؤثرة وصانعة المحتوى رانيا يحيى، جولة تفقدت خلالها غرف الأطفال المرضي، وتعرفت على الخدمات الطبية المقدمة لهم، كما التقت عدد من الأطفال في العيادات الخارجية الذين حضروا مع أولياء أمورهم سواء للمتابعة بعد العملية أو للكشف ضمن الإجراءات الخاصة بتحديد ما يحتاجه كل طفل من إجراءات علاجية أو جراحية حسب كل حالة.

خلال جولتها، تعرفت المؤثرة وصانعة المحتوى رانيا يحيى، على جميع أقسام المستشفى بما في ذلك الصيدلية والمطبخ والمغسلة وغيرها من الأقسام التي تتعلق جميعها بتقديم أفضل خدمة ورعاية للأطفال أثناء رحلة علا جهم داخل المستشفى.

وأشادت المؤثرة وصانعة المحتوى رانيا يحيى، بمستوي الخدمات الطبية المتكاملة المقدمة في مستشفى الناس، حيث قالت: «تشرفت جداً بدعوتي النهارده لزيارة مستشفى الناس.. الحقيقة قبل ما أجي أنا عندي فكرة مسبقة عن مستوى المستشفيات الخيرية بسبب زياراتي السابقة لمستشفيات تانية، بس دايماً لما بنسمع كلمة مستشفى خيري بالكامل أو لما نعرف إن المستشفى دي قائمة بالكامل على التبرعات بيكون في خيالنا ممكن يكون مستوى الخدمة أقل من المعتاد بس ده مش حقيقي تماماً».

وقالت المؤثرة وصانعة المحتوى رانيا يحيى: «أنا جيت النهارده مستشفى الناس وشوفت كمية الاهتمام بكل تفصيله، يعني وهما بيشرحولي أثناء الزيارة في حاجات أنا لو شايفاها عادي مش هعرف أترجمها أو مش هعرف أفهم هو ليه دي لونها كدا، ودي ليه لونها كدا، لكن المكان هنا بيهتم جدًا بـ"الهايجين" والتعقيم والنظافة، وكمان الاهتمام بالصحة النفسية للمرضى، وفريق العمل كله من تمريض ودكاتره كلهم مبتسمين وبشوشين وجمال».

وأضافت المؤثرة وصانعة المحتوى رانيا يحيى: «دخلنا المطبخ والمغسلة، ودخلنا كل قسم في المستشفى، الحقيقة كلهم على أعلى معايير، ودا يمكن بيرجع لأن مؤسس أو صاحب فكرة المستشفى - الله يرحمه - كان بيتعالج بره مصر فكان عايز يشوف هنا كيان شبيه للكيانات اللي بره مصر، وإن الناس اللي مش قادرين على تكلفة العلاج يكون عندهم فرصة العلاج بنفس مستوى المقتدرين، ومن هنا بدأت فكرة المستشفى إنها تكون بالكمال ده».

وأوضحت المؤثرة وصانعة المحتوى رانيا يحيى: «هنا بيعالجوا أطفال وكبار، بيعالجوا أمراض القلب وأمراض الجهاز الهضمي، وبيعالجوا مرض السكر للأطفال بس مش للكبار، وكمان أضافوا مؤخراً قسم علاج الحروق، وفي الجولة قابلنا مرضي كتير وشوفنا الاهتمام بيهم وتغذيتهم، وكل حاجة في المستشفى بالمناسبة بتتعمل هنا، يعني مفيش أي نقطة مياه بتدخل المستشفى من الخارج حفاظاً على التعقيم وحفاظاً على صحة المرضى، عشان كده كل حاجة بتتصنع هنا وبيتم إطعام المرضى والمرافقين ليهم من أهلهم وفريق العمل في المستشفى عشان يضمنوا إن مفيش أي حاجة تدخل من بره المستشفى وتأثر على نظام التعقيم».

وتابعت المؤثرة وصانعة المحتوى رانيا يحيى: «الحقيقة إن الكيان هنا أكتر من رائع ولو فيه جهات معينة محتاجة لتبرعنا، فالمؤسسة دي محتاجة جداً للتبرعات، لأن زي ما قلتلكم هي قائمة على التبرعات، ولو جيتوا هتشوفوا فلوسكم بتروح فين، وحاجة أخيرة إنه فيه هنا عيادة الفحص للناس العادية اللي مش جايه تتعالج على نفقة المستشفى، يعني لو أنا عندي تحاليل وأشعة مطلوبة مني، أقدر أجي أعمل الفحوصات دي هنا في العيادة بتاعت المستشفى بأعلى جودة، لأن الناس دي من متعودة تتعامل مع حالات حرجة، وبالتالي أضمن إن النتائج اللي هتطلع من هنا هي نتائج ممتازة لا تحتمل الشك».

واستطردت المؤثرة وصانعة المحتوى رانيا يحيى: «بتيجي تعمل الفحوصات بتاعتك كلها هنا والمبلغ اللي بتدفعه بالكامل وهو مش مبلغ ثابت، لكن بيكون تقديري منك بما إنك بتكون عارف الأسعار بره، فأنت ممكن تحط نفس المبلغ هنا وبيتحسب بالكامل تبرع، يعني هتعمل كل الفحوصات المطلوبة منك وهتكون كمان شاركت في علاج حالة تانية».

واختتمت رانيا يحيي، حديثها: «بتمني ليهم كلهم التوفيق وبجد شكرا لكل حد في المؤسسة دي لأن هما مش بس بيعملوا مجهود علشان هما موظفين أو شغلانة مطلوبة منهم، لاء هما بيعملوها بحب ودا باين جدًا على كل فريق العمل، فشكرا ليهم، وشكرا لمستشفى الناس على الفرصة إني أكون هنا النهارده».

الجدير بالذكر أن مستشفى الناس واحدة من أهم المستشفيات الخيرية الغير هادفه للربح، حيث تقدم خدماتها بالمجان لكل المصريين من الأسر المهمشة والأكثر احتياجا وغير القادرين، ونجحت المستشفى منذ افتتاحها عام 2019 في تقديم أكثر من 506 ألف خدمة طبية، والكشف على أكثر من 27 ألف مريض، كما أجرت المستشفى أكثر من 7 آلاف عملية جراحية بالقلب لحالات حرجة جدًا وعمليات قسطرة تشخيصية وعلاجية، إضافة إلى هذا تفتح مستشفى الناس أبوابها لكل مرضى القلب والجهاز الهضمي، وتعمل على وضع خطة علاجية لهم بأحدث الطرق الطبية ووفقاً لآخر المعايير والضوابط لهذه الأمراض عالمياً، حيث أجرت 630 عملية جراحية ومناظير جهاز هضمي خلال عام 2023.

ويشار إلى أن مستشفى الناس تبلغ مساحتها 30 ألف متر مربع تتضمن 7 أدوار، بطاقة استيعابية 600 سرير، و10 غرف للعمليات، و140 وحدة رعاية مركزة، و4 وحدات قسطرة قلبية، و48 عيادة خارجية، وقد تم افتتاح المستشفى عام 2019.

ويمكن التبرع لمستشفى الناس الخيري للأطفال من خلال الاتصال على الخط الساخن 16441، والانتظار لحين وصول مندوب المستشفى إلى المنزل، إضافة إلى التبرع من جميع البنوك المصرية على حساب رقم 16441 باسم مؤسسة الجود الخيرية – مستشفى الناس، أو عبر الموقع الالكتروني الرسمي للمستشفى https://alnas-hospital.com/donate-now أو من خلال إرسال رسالة تتضمن كلمة "طفل" على رقم 9797، أو منافذ فورى كود رقم 9145، إضافة إلى امكانية التبرع عن طريق شركات الدفع (instapay - أمان - مصاري - OPay- الأهلي ممكن).