«الأهلي ليه مكانة كبيرة عندي وبفتخر باللعب فيه».. حمزة علاء ينفي رفضه تجديد عقده مع المارد الأحمر

وجه حمزة علاء، حارس مرمى الفريق الأول لكرة القدم بالنادي الأهلي، رسالة إلى جماهير ناديه بعدما انتشرت أخبار تفيد بأنه رفض تجديد عقده مع المارد الأحمر، والذي ينتهي بنهاية الموسم الجاري 2024-2025 طالبا الرحيل في ظل عدم حصوله على فرصة المشاركة بالمباريات في وجود زميليه محمد الشناوي ومصطفى شوبير.

وكتب حمزة علاء على ستوري انستجرام  آية قرآنية : «يا أيها الذين آمنوا إن جاءكم فاسق بنيا فتبينوا أن تصيبوا على ما فعلتم نادمين تصيبوا قوما بجهالة فتصبحوا على ما فعلتم نادمين»

ووجه رسالته لجماهير النادي الأهلي الغالية قائلا: «حابب أوضح حاجة مهمة بخصوص الكلام اللي اتقال عني في الإعلام مؤخرا، واللي بيقول إني رفضت أقعد مع إدارة النادي أو الناس المسؤولة في النادي اللي اتشرف بالانتماء ليه منذ طفولتي وحتى الآن الكلام ده كله مش حقيقي ومفيش منه اي حاجة صح».

 وأضاف : « أنا عمري ما أتاخرت عن أي اجتماع بخص مصلحة النادي وبحترم كل شخص مسؤول في الكيان ده وموجود دايما علشان أسمع وأتكلم في أي وقت يتطلب كده».

وتابع: « النادي ده ليه مكانة كبيرة عندي وكل يوم بفتخر إني بلبس التيشيرت بتاعه وبحس دايما بدعمكم اللي لا يقدر بثمن واللي هو الدافع الحقيقي في كل يوم ليا في نادينا العظيم».

وأردف : «ولجمهور النادي الأهلي أنتم ليكم فضل كبير جدًا جدًا عليا، وانتوا سبب كبير جدا و رئيسي في اللي وصلت له، محبتكم وسندكم عمرهم ما كانوا عاديين وأنا شايل ليكم تقدير وحب كبير اوي جوه قلبي واعتقد كلكم عارفين أن أنا حبي للنادي وللكيان ملوش حدود»

وواصل حمزة علاء رسالته لجماهير الأهلي قائلا: «عمري ما اقدر اغلط ولا في النادي ولا في جمهوره ولا في أي مسؤول داخل النادي و انا مش الشخص اللي يكون ده موقفه مع النادي فانا اتشرف بالانتماء اليه وإلى جماهیره
كل الحب والاحترام للنادي الاهلي و جمهوره العظيم».