نهى عابدين لـ"أميرة بدر": دوري مش مكمل في العتاولة2 ولا افترض وجود مؤامرات عليا

أكدت الفنانة نهى عابدين، أن سبب عدم وجودها في الجزء الثاني من مسلسل العتاولة لأن الدور غير مكمل في الجزء الثاني والشخصية غير موجودة، قائلة: "مش لازم النهاية تكون موت وطلاق والعمل اتعمل جزء أول منه وهو مش مأخوذ من رواية وانتهى دوري".

وأضافت نهى عابدين، خلال حوارها ببرنامج "أسرار"، مع الإعلامية أميرة بدر، المذاع على قناة النهار، أنها لا تعلم سبب عدم وجودها في الجزء الثاني من مسلسل العتاولة ولا تضع افتراضات عن سبب عدم وجودها، مضيفة: "ليه نفترض أن في مؤامرة ولو هفترض أن في حد منفسن أو مؤامرة عليا أو حد مضايق مني مش هيفرق معايا".

وتابعت: "لو هفترض سيناريو أن في حد مضايق مني في العتاولة بيهد في اللي ببنيه أنا هبني في حته تانية، وبيحصل طبعا لما حد بيعلى في ناس بتتضايق وتقلق منه وده بيحصل في كل المجالات والأوساط والمفارقة هنا في طريقة التعامل وأنا مركزة مع نفسي وبس".