حمادة هلال يكشف مفاجآت مع أميرة بدر في برنامج «أسرار»: خدت 5 جنيه في أول أوردر من الأفراح.. وبدعي ربنا يهديني للطريق الصحيح.. واستمرار المداح لم يحدث في تاريخ الدراما (صور وفيديوهات)

وجهت الإعلامية أميرة بدر، سؤال ببرنامج "أسرار"، حول أول أجر حصل عليه من الغناء في الأفراح، ورد قائلا: "أول أوردر عملته كسبت فيه 5 جنيه، وكان ليا صاحبي هادي أبو اليزيد وهو شاعر كبير وكتب لي معظم الاغاني اللي نجحت لي".

وأضاف حمادة هلال، خلال حواره ببرنامج "أسرار"، المذاع على قناة النهار، أن كل هدفي كان الغناء فقط ولم أفكر في أي أرباح، مضيفا: "كنت بطلع اغني ببلاش ومكنتش عايز فلوس وكان المهم بالنسبة لي أغني وبعد كده أخذت 30 في 40 وأول 5 جنيه أخذتها جبت هدية لأمي  كانت ايشارب ووالدي كان تعبان ومن الحاجات اللي خلتني أبعد فترة عن الغناء".

وأوضح حمادة هلال، أنه مر بمحطات منها الغناء في الأفراح في الشوارع، متابعا: "اكتسبت منها الجانب الايجابي وتعلمت من السلبي وشوفت اللي مشي في السلبي حصل له ايه وممكن أكون في غناء الافراح عيشت في الزاوية الحمراء وما زال صحاب وحتتي هناك لكن انا اتولدت في الشرقية".

وفي سياق متصل، رد النجم حمادة هلال، حول موقفه من الصراع مدى كون الغناء حلال أم حرام قائلا: "أراهنك كل اللي موجودين في الشغلة عنده نفس الصراع وأنا عن نفسي ممكن جت لي فترة تعرضت لكلام قاسي".

وكشف حمادة هلال، عن موقف قاسي تعرض له من شخص ما قائلا: "مرة قابلت واحد قالي كلام قاسي وساب فكرة قاسية داخل قلبك ومكنتش أرد على الكلام القاسي وكلام من معنى أنت تفسد وتدمر في الأرض".

وتابع: "من أول ما بدأت أغاني اتعرض لهذه المواقف وأنا مش ضد الراجل ده وكل واحد له رأيه وبقول لربنا يا رب وفي ناس كتير قالت لي الكلام القاسي دي وكنت بقول ادعي لي ربنا يهديني ومش بتريق وبدعي الله يهديني للطريق الصح وكل انسان بيقدر يحط نفسه في الحته اللي عارفها كويس". 

واستكمل النجم حمادة هلال، على سؤال من الاعلامية أميرة بدر، حول سبب ابتعاده عن الغناء قائلا: "لم ابتعد عن الغناء لكن التمثيل أخذني وعملت شغل غناء سينجل منها نجح ومنها ما لم ينجح وفكرة الالبوم كان بتنزل زمان".

وأشار حمادة هلال، خلال حواره ببرنامج "أسرار"، المذاع على قناة النهار، إلى أنه تعرض لموقف صعب في مسجد السيدة نفيسة منذ 10 سنوات قائلا: "واحد قالي المشكلة اللى عندك هتتحل والأمور المتعسرة ستيسر وفضلت اسمع منه وفي الآخر قلت له خلصت لو بني آدم مسلطك عليا فالله خير حافظ وهو ارحم الراحمين وبروح هناك بس بحاول اتخفى شويه عشان معملش قلق".

كما أكد حمادة هلال، أن تقديم 5 أجزاء من مسلسل المداح جديدة في الدراما المصرية، موضحا أن كل موسم من المسلسل أصبح أقوى من الموسم السابق وهذا رأي الناس ونسبة المشاهدة، متابعا: "كل موسم أعلى من اللي قبله".

وواصل النجم حمادة هلال، أنه مؤمن بفكرة الكرما ورد الحقوق من الله سبحانه وتعالى، قائلا: "ممكن حد يكون مستهون بعمل لكن ربنا يريد النجاح ومسلسل المداح نصرة كبيرة ومش هنسى كان كذا مسلسل اعمله وأقول ده مسلسل بره الصندوق".

وأشار حمادة هلال، خلال حواره ببرنامج "أسرار"، مع الاعلامية أميرة بدر، المذاع على قناة النهار، إلى أنه عرض فكرة مسلسل المداح على أكثر من مسلسل وقابله البعض بعرض  أعمال كوميدية، موضحا: "أنا مش ضد الكوميديا ولكن أحب اعمله في فيلم وعرضت المداح على كذا منتج ولم يقتنعوا وربنا كرمنا بمنتج وقناة وربنا كرمنا في المداح".

واستكمل: "مسلسل المداح صعب جدا ونجح بشكل كبير عشان المخرج أحمد سمير فرج والمؤلفين أمين جمال ووليد أبو المجد وشريف يسري وكنا مؤمنين بفكرة المسلسل ده، وفي ناس قالت لنا متجدد لكن بقى في حاجات اسمها من رموز رمضان واحنا اجتهدنا للصدفة ومستعدين واحنا مش صانعين نجاح واجتهدنا أن يحصل نجاح".