أحمد داوود: زوجتي بتحسسني بالأمان.. ومحمد خان قالي نصيحة غيرت مسيرتي

أكد الفنان أحمد داوود على أنه يستمد الأمان في حياته من زوجته، وذلك من خلال لقاء له ببرنامج katchup with inji ali المذاع عبر منصات التواصل الاجتماعي المختلفة.

وقال أحمد داوود: الزوجة هي اللي بتحسس الراجل بالأمان، لازم يكون في حد كدا بتسند عليه، لما بمر بلحظات ضعف صعبة بطلعها لمين ؟.. فلازم يكون في حد بتسند عليه وعلا كدا.. ودا رزق الحمد لله كان ممكن ميحصلش أو مقابلهاش أو تتلغبط أو تتأخر في الجواز، ف زي ما ربنا مديني شغل كويس وأطفال كويسين ومديني كل حاجة الحمد لله.. دا رزق.

أما عن نصيحة المخرج محمد خان له قال أحمد داوود: أستاذ محمد خان الله يرحمه هو اللي علمني جملة "اللي بعده" سواء حلو أو وحش لأنه عدا عليا أوقات وحشة كتير ولو وقفت عندها ممكن توديك في حتة مش كويسة، فسواء التجربة حلوة أو وحشة متقفش عندها كتير وكمل.

ومن الجدير بالذكر أن أخر أعمال أحمد داوود فيلم الهوى سلطان الذي تدور أحداثه حول شابة وشاب تربطهما علاقة صداقة قوية منذ الطفولة، ويواجهان معًا العديد من المواقف والمشكلات المختلفة مع أصدقاءهما وأسرتيهما، لكن تحدث فجأة بعض المتغيرات في علاقتهما، وتتوالى الأحداث.

ويعد فيلم الهوى سلطان من بطولة النجوم منة شلبي، أحمد داوود، أحمد خالد صالح، سوسن بدر، جيهان الشماشرجي، عماد رشاد، وغيرهم، والفيلم من تأليف وإخراج هبة يسري، وقد حقق الفيلم إيرادات مرتفعة فور طرحه في دور العرض السينمائية.