تأكيدًا لـ بصراحة.. أيمن سلامة يعلن مشاركة أحمد عز في مسلسل إذاعي بـ رمضان 2025

أعلن المؤلف أيمن سلامة عن مشاركة المسلسل الإذاعي الكوميدي “أغنى رجل في العالم”، في الماراثون الرمضاني المقبل 2025.

وشارك أيمن سلامة مجموعة صور لفريق العمل عبر حسابه الشخصي بموقع التواصل الاجتماعي فيسبوك، وعلق: بسم الله توكلنا علي الله النجم : احمد عز  في المسلسل الاذاعي الكوميدي : اغني رجل في العالم تارا عماد - الفنان القدير رشوان توفيق - الدكتور اشرف زكي - عبير منير - مجدي بدر - نهي صالح - مروة الازلي - جهاد ابوالعنين.

أحمد عز يشارك في عمل إذاعي

المسلسل تأليف أيمن سلامة إخراج : علي مصيلحي انتاج انترو ميديا ( هبه الهواري ) ويذاع طوال شهر رمضان الكريم علي اذاعات راديو النيل.
 

ويأتي ذلك تأكيدًا لما نشره موقع بصراحة في تاريخ 22 يناير، عن مشاركة النجم أحمد عز في ماراثون رمضان بعمل إذاعي.

تكريم أحمد عز بمهرجان القاهرة

في وقت سابق كانت قد أقيمت الندوة التكريمية للنجم أحمد عز ضمن فعاليات مهرجان القاهرة السينمائي في دورته الـ45 في صباح الخميس 14 نوفمبر الجاري.

وكشف عز خلال الندوة عن الكثير من الكواليس في أعماله الفنية، وعلاقته بكبار النجوم مثل نور الشريف وعادل إمام، وقال: "نور الشريف كان رجل في منتهى الكرم والنجومية، ويقول لهم عز يتكتب اسمه الأول أنا جاي اقف جانبه في ضهره، كان اكتر من أحلامي ومما كنت أتمناه".

وتابع: كنا بنصور في الفيوم وكان التصوير الساعة 8، اصحى الساعة 6 ونصف، أستاذ نور صاحي من الساعة 5 وفاتح قنوات الأخبار بصوت عالي جدا، وجاهز وبيخش اللوكيشن قبل التصوير وقاعد جاهز، واتعلمت دا دلوقتي، الالتزام أساس النجاح، وكنت محظوظ إني تعاملت مع أساتذة كبار لهم الفضل علي.

وعن نصيحة عادل إمام قال: "بعد (ملاكي اسكندرية) قابلت الزعيم، وهو فعلا ملهم لجيلي وللأجيال اللي جاية، لأنه إزاي تعمل أفلام مش بس حلوة وتعيش، لا إزاي شباك التذاكر بدل ما يشوفه ألف أو ألفين واحد، أكتر من كدة ومليان، وقال لي عند أستاذ وائل عبد الله، عايز تنجح عندك حاجتين، هما الالتزام والورق، ونصيحته دي اللي أنا عايش بها لحد دلوقني.

وعن نجاح فيلم "ولاد رزق"، قال: ""ولاد رزق مكنش فيلمي كان فيلم ناس تانية كان كل حد يقراه ميحبوش أو ميفهموش وفكرة التركيبة الجماعية أنا متعود عليها من بداياتي من أيام ملاكي إسكندرية، لما جالي الفيلم حبيته جدا ولقيت إني هعمل شخصية بعيدة عني وأخدت الورق وروحت لحد في الأباجية وقعدت معاه على سطح البيت وسألته بتتكلم إزاي عشان أوصل لمخارج ألفاظ "رضا" كان لازم أدرس الشخصية وأشوف حد بيتكلم في الشارع بالطريقة دي".

وتابع: "كنت بروح عين الصيرة والناس هناك كانوا في منتهى الكرم وبيفتحولي بيتهم، بقيت لما باجي أقدم رضا في كل الأجزاء أول ما ألبس لبس الشخصة اللسان يتعوج وأتكلم زيه".

وتمنى عز أن يقدم شخصيتي طارق بن زياد وخالد بن الوليد.