نجيب ساويرس: «أنا عمري ما سكرت والموسيقى بتخليني في حتة تانية خالص»

رد المهندس نجيب ساويرس رجل الأعمال، رئيس مجلس إدارة أوراسكوم للاستثمار القابضة، على حديث البعض بشأن تناوله الخمور.

وقال ساويرس، خلال استضافته في صالون «إحسان عبدالقدوس الثقافي»، بنادي الجزيرة الرياضي: «الموسيقى من الحاجات اللي بتخليني في حتة تانية خالص».

وأضاف: «زي اللي يجي يقولك ده سكري، عشان أنا بشرب، بس أنا عمري ما سكرت، مش عارف أدافع عن نفسي إزاي، أقوله أنا بشرب بس ما بسكرش».

وتابع: «المزيكا بالنسبة لي بتديني نفس التأثير، اللي هو أنا رحت في حتة تانية خالص، دماغي اللي فيها 3 آلاف حاجة ومليون صداع، راح».

وأكمل ساويرس: «أنا بقعد أعمل (البلاي ليست) الوحيدة بتاعتي 3 ساعات، عشان أطلع ساعة بقعد 3 ساعات، لكن لما بتخلص وأقعد أسمعها بحس إني أنا إيه…».