معندوش خبرة.. أول تعليق من رامي صبري بعد هجوم ويجز عليه

رد الفنان رامي صبري على هجوم مطرب الراب ويجز عليه، من خلال حسابه الشخصي بموقع التواصل الاجتماعي “انستجرام”.

وقال رامي صبري خلال لقائه مع “عرب وود”: زمان بزعل وأنا قد ويجز كده، وكنت بعمل أكتر منه عالفكرة وعارف علشان هو لسه صغير معندوش خبرة الرد وأنا متفهم هذا الأمر.

وأضاف: وشخصياَ أنا بحبه أوي ومعنديش مشكلة معاه بحب فنه وقولت كده في البرنامج أنا معرفش ليه هو اضايق كده إنما هو فنان ويعمل مزيكا حلوة جداَ وبقول كده عالطول، وأنا مش ضد أي حد أي حد من حقه يعمل أي حاجة مادام مش بيأذي أي حد.

ويجز يهاجم رامي صبري

وكان قد انتقد مطرب الراب ويجز، تصريح الفنان رامي صبري بشأن ويجز وأنه لم يكن يفهم معاني أغانيه وأكد رامي أن اسمه يأتي في قائمة أهم 5 نجوم في مصر، وأن أهم 5 مغنيين في مصر، هم: عمرو دياب وتامر حسني وحماقي ورامي صبري وقال على حد قوله: "مفيش حد تاني".

وخرج ويجز بمقطع فيديو نشره على خاصية الأستوري، عبر حسابه على "إنستجرام"، وهاجم رامي صبري قائلا: "هتكلم على فنان فاكر إنه عنده صلاحية يطلع يتكلم على أي حد، والناس تسمع و تسكت، الفنان ده اسمه رامي، رامي ده بقى كل ما يقعد 4 أو 5 شهور يزهق يطلع يقعد يتكلم في التليفزيون على بتوع الراب والهيب هوب وكده".

واستكمل: "هتتكلم امتى عن فنك ومجالك، أنا شايف إنك مابتفهمش حاجة في الراب ولا بتفهم الكلام بتاعه، أو زي ما انت قولت قبل كده، ومش هتعرف تعمله، وأنا راجل مثلا لو لقيت واحد بيعرف يسوق عجلة وأنا مبعرفش بحترمه، ليه عشان هو عمل حاجة انا مبعرفش اعملها وغير اللي أنا عملتها، اشتغل على نفسه في حاجة أنا مشتغلتش على نفسي فيها" مضيفاً: "انت مبتقدرش الفنانين دول وشايفهم كده بيحاولوا يوصلوا لليفل انت فيه في حين انهم معديينك، أنت مش رقم 2 انت يا رامي انت رقم 19، أنت بعيد أوي".

وتحدث الفنان رامي صبري خلال وجوده ضيفًا على برنامج "حبر سري" تقديم أسما إبراهيم ويعرض على قناة "القاهرة والناس"، عن المهرجانات ومطربي الراب، وقال: "المهرجان مش بيتغنا، حلو والناس بتحبه وأنا ساعات بسمعه، بس مش هو ده اللون اللي ممكن أغنيه".