ياسمين عز تقلب على الفرعون في عيد الحب: لبسها دهب أما الورد جيبه لمامتك

قدمت الإعلامية ياسمين عز العديد من النصائح للزوج في عيد الحب، وذلك خلال برنامجها “كلام الناس”، المذاع عبر فضائية mbc.

وقالت ياسمين عز: متلبسهاش الأحمر غيروا ليها لبسها أخضر رمز الدولار أو الأصفر رمز الذهب نور إيديها الشقيـانة أما الورد تجيبه لمامتك.

وأضافت: فيه قائمة أسعار لعيد الحب... عايز تسهر مع مراتك وتسيب عيالك مع حماتك تدفع 500 جنيه.. عايز تخرج مع صحابك تدفع 700 جنيه.. لو عايز تخرج مع حد ونداري عليه ادفع 100 جنيه.. عايز تبات برا أمضي شيك على بياض.

حب النفس أولوية

وأوضحت ياسمين أهمية حب الذات والاهتمام بالنفس قائلة: «حبي نفسك يا شيماء، لأنك هتفهمي نفسك أكتر من جوزك، لأن إنتي اللي عايشة مع نفسك ومحدش هيفهمك زي نفسك».

الزواج للحب والحنان ليس كافيًا

أشارت عز إلى أن الزواج لمجرد البحث عن الحب والحنان قد لا يكون السبب المناسب لدخول هذه المؤسسة. وعلقت قائلة: «لو هتتجوزي علشان الحب والحضن والحنان والفنان إبقي تعالي قابليني، أنا بنصحك علشان تفوقي من الحلبة اللي بتشربيها».

دعوة للتفكير بعمق قبل اتخاذ القرار

أنهت عز حديثها بدعوة الفتيات للتفكير جيدًا قبل الإقدام على خطوة الزواج، معتبرة أن الاستقلالية والسعي لتحقيق الذات هما الأهم.