مروة صبري تهاجم جليلة المغربية بعد انتقادها لبسمة بوسيل: "قولي أنك عايزة تريند"

شنت الإعلامية مروة صبري هجومًا حادًا على جليلة المغربية بعد تصريحاتها الأخيرة التي هاجمت فيها بسمة بوسيل، طليقة الفنان تامر حسني، معتبرة أن تدخلها في حياة الثنائي غير مبرر ويهدف فقط إلى تحقيق الشهرة.

جليلة المغربية اللي بتحب تامر حسني

وقالت مروة صبري خلال برنامجها: "اتنين اتجوزوا، تتدخلي بينهم ليه؟ أنتي مالك؟ وجودك ليه دلوقتي؟ عايزة تتشهري؟ قولي أنك عايزة تريند.. عايزة الناس تشاور عليكي وتقول: دي جليلة المغربية اللي بتحب تامر حسني.. هي دي قيمتك؟!"

داخلة في حيطة سد

وأضافت: "أنتِ معروفة بين الناس أنك بلوجر، ياريت تهدي شوية عشان الموضوع مش مستحمل.. بسمة مدمرة وبتعيط وبتاخد أدوية اكتئاب، وأنتِ طالعة تتكلمي عليها؟ خليكي في حالك، لأنك داخلة في حيطة سد.. لا هو هيرد عليكي ولا هي هترد عليكي."

وكانت قد هاجمت البلوجر جليلة المغربية المطربة بسمة بوسيل بسبب بكاءها في إحدى اللقاءات التلفزيونية، عن قصة حبها للفنان تامر حسني.

وكتبت جليلة المغربية عبر حسابها هاي الحياة اللي انتي كنتي راح تنتحري عشانها وبسببها، أنا كنت أتمنى أعيشها مع الشخص الوحيد اللي حبيته بحياتي من 13 سنة، مهما كانت المشاكل او الظروف او الوجع الواحدة ما ينسى عشرة العمر والايام الحلوة ويكون ناكر للجميل

نصيحة مهمة خديها او خليها، اليوم انا عندي سلام داخلي معك وما بهاجمك بس عمرنا ما ننزل من قيمة الشخص اللي رفعنا وننسى فضله خصوصاً إذا كان أبو ولادك، بالنسبة لي ولمشاعري ولأحاسيسي أحب أقول كلمة وحدة فقط: هناك تفاصيل لا تحكى الا لله.