سارة نخلة تهاجم بسمة بوسيل: انت استحملتيه عشان الفلوس

هاجمت الإعلامية سارة نخلة سيدة الأعمال بسمة بوسيل، طليقة الفنان تامر حسني، مشيرة إلى أن نجم الجيل هو من شهرها.

وكتبت سارة نخلة عبر حسابها الشخصي بموقع التواصل الاجتماعي فيسبوك: لما تقرري تقعدي في البيت و تعتزلي الفن الي أصلا مكنش فن و لا تاريخ ولا اي حاجة من دا و انتي موافقة أصلا و طايرة من الفرح  و تجيبي اول ولد و تاني ولد و بعدين ولد وكل دا انتي ضحية !!!.

 
وأضافت: لما تتجوزي نجم و عارفة يعني ايه نجم يبقى انتي داخلة و انتي عارفة الدنيا كلها .. اتدمرتي !!!! انتي اتبنيتي مش اتدمرتي و الناس عرفتك بسببه .. اتشهرتي بسببه … ولا كان مقعدك في البيت ولا حاجة .. عملك بدل المشروع ٣ و انتي فشلتي عشان انتي مركزة في حياته اكتر ما تركزي في حياتك.

وواصلت: خانك ؟ كنتي من البداية تمشي مش تعيشي دور الضحية و تعملي فيها ماكينة تفريخ اطفال عشان قال يعني تربطيه .. ما فيش راجل بيتربط.

وأختتمت سارة نخلة قائلة: استحملتي عشان الفلوس يا حياتي مش عشان العيال ولا عشان الحب و عشان يفضل اسمك مرات النجم …  لو كنتي اشتغلتي عشرين سنة مش عشر سنين ولا كان حد هايعرفك غير اهل بلدك … 
ما كفايا بقا تمثيل و شغل الضحية المقهورة بعد ما فقدتي الامل في الرجوع طالعة تعيبي في الراجل ابو عيالك … ابو عيالك.

 
لو مافيش عيال شرشحي براحتك عادي جدا بس في أطفال وقال ايه عايزة حد مسلم بيعرف ربنا قال يعني هو بوزي بيصلي على صنم ..مش قادرة اشوفك غير واحدة بلا كرامة