والدة آسر ياسين: جالي الروماتويد لما عرفت إن ابني هيسيب الهندسة ويمثل

كشفت والدة الفنان آسر ياسين عن رد فعلها عند دخول نجلها الوسط الفني وتركه الهندسة، مشيرًا إلى أن ذلك القرار سبب لها روماتويد.

وقالت والدة آسر ياسين خلال برنامج “الستات”: القرار ده سبب لي أزمة روماتويد، لأن أنا وزوجي كنا بنبذل مجهود كبير جدًا علشان نضمن مستقبل ولادنا في الهندسة.

وأضافت: كأننا كنا بنجري عشان نوصل لشط الأمان، وآسر كان خلاص بقى مهندس، وفجأة قرر يبدأ شريط جديد في التمثيل، آسر كان بيمثل في مسرح الجامعة، والهندسة كانت مجال دراسته، ولما قرر يسيب الهندسة، كان خوفي عليه من المجهول هو اللي تعبني، لأن المجال ده ما كنتش عارفة هو هيعمل فيه إيه.

فيلم شماريخ

وكان قد اهدى الفنان آسر ياسين، فيلمه الجديد “شماريخ” للراحل مصطفى درويش، والذي توفي خلا تصويره، ليكون آخر أعماله الفنية التي لم يستطع مشاهدتها.

وأقيم مساء أمس الجمعة الأول من ديسمبر، العرض العالمي الأول لفيلم "شماريخ" ضمن فعاليات مهرجان البحر الأحمر السينمائي في دورته الثالثة، وأهدى بطل الفيلم "آسر ياسين" الفيلم لروح الفنان الراحل مصطفى درويش.

 آسر ياسين يهدي فيلم شماريخ للراحل مصطفى درويش

وقال آسر ياسين: أهدي الفيلم للراحل مصطفى درويش، وهو يستحق لقب شمروخ السينما المصرية، كان وشه حلو عليّ من أول تعاوننا في "100 وش" و Suits لـ"شماريخ"، أتمنى الفيلم يعجبكم.

وتابع: "عمرو سلامة كان كل مرة يحكي لي الفيلم باسم تاني خالص وقصة تانية خالص، بس هو فعلا لو تشوف الفيلم هتقول الفيلم دا اسمه (شماريخ)، فاحنا الاتنين اتفقنا ان اسمه يبقى كدة، والكلام دا من 4 5 سنين، مكنتش اعرف الفيلم هيتعمل ولا إيه، وفعلا كتبه ومكنش ينفع يبقى اسمه حاجة تانية"، حسب تصريحاته لـGossips.