نشوى مصطفى ترثي زوجها بكلمات مؤثرة: اتيتمت وبمثل إنى عايشة

أعربت الفنانة نشوى مصطفى عن حزنها العميق لفقدان زوجها الراحل عماد، حيث رثته بكلمات مؤثرة في منشور عبر حسابها الرسمي بموقع التواصل الاجتماعي “فيسبوك”.

نشوى مصطفى ترثي زوجها بكلمات مؤثرة

وكتبت نشوى مصطفى :" الله يرحمك ويسعدك ويراضيك يانور عينيا .. عارف ياعماد امبارح أخويا بيقولى أنتى كنتى مهمومة وبتراعى وواخدة بالك مننا كلنا وأبيه عماد هو الوحيد اللي كان مهموم وواخد باله منك وبيراعيكى".

وتابعت :" ياعماد أنت كنت رزقى الكبير ورزقى انقطع أنت كنت سندى وضهرى وسترى أنت كنت اطمئنان قلبى أنت كنت سرى وكنت بجرى عليك اشتكيلك وتصبرنى اسألك وتفهمنى كنت أبويا".

زوج نشوى مصطفى

وأضافت :" دلوقتى انا اتيتمت مش هكذب عليك أنا بمثل إنى عايشة وقلبى مغروس فيه خنجر وروحى مصلوبة فوق محرقة.. نار فراقك بتزيد كل مالوقت بيعدى مش بتقل .. خدعتنى ومشيت بسرعة ..بينا كلام لسه مخلصش وأحلام لولادنا وأحفادنا لسه ما اتحققتش ..أنت موجود قدام عينيا طول الوقت وصوتك فى ودانى .. ادعيلى ياحبيبى ".

 وفاة زوج الفنانة نشوي مصطفي

وكانت نشوى مصطفى أعلنت رحيل زوجها صباح السبت 28 ديسمبر الماضي، وكتبت على حسابها الشخصي على "فيس بوك": ادعو له بالرحمة وادعولى انا وولاده بالصبر والثبات".

ونشرت الفنانة نشوى مصطفى بوست كتبت فيه نعيا لزوجها وطالبت فيه متابعيها بالذهاب لصلاة الجنازة عليه، وقالت: "اللي بيحب ربنا يجى يصلي صلاة الجنازة على زوجي ونور عيني وحبيبي وستري وأبو ولادي تعالو والنبي مسجد حسن الشربتلي صلاة الضهر".

وأكملت: "أبوس إيديكم عايزة ناس كتير تيجي والنبي الله يراضيكم تعالوا كلكم ادعو له بالرحمة وادعولى انا وولاده بالصبر والثبات، مسجد حسن الشربتلي التجمع الخامس هتلاقوه على جوجل ماب شيروا كتير".

يذكر أن زوج الفنانة نشوى مصطفى هو رجل الأعمال محمد عماد، ودام زواجهما منذ 30 عاما، وكان مقيما بأمريكا.