حسام داغر يحيي الذكري الخامسة لوفاة والدته:" نفس الصور هي هي من 5 سنين"

أحياء الفنان حسام داغر الذكري الخامسة على وفاة والدته، بعبارات مؤثرة، مشيرا، انه كل يوم فى نفس العام، يري هذه الصور لم تتغير.

حسام داغر يحيي الذكري وفاة والدته 

نشر حسام داغر، منشور على مجموعة صور له، على حسابه الشخصي بموقع التواصل الاجتماعى تبادل الصور والفيديوهات الانستجرام، معلقا عليها:"النهارده الذكري السنوية الخامسة لوفاة والدتي ست الكل حبيبتي.. ببص على ملف الصور بتاعتنا سوا على موبايلي لقيتني بشوف نفس الصور هي هي من 5 سنين.. طبيعي لأن الصور مش بتزيد من وقتها والملف هو هو”.

وأضاف حسام داغر: “قربت أحفظ كل الصور من كتر ما بتفرج عليها وبشوف ماما حبيبتي لما كانت لسه معايا وحواليا و بحكيلها كل حاجة وبشوف ذكرياتنا سوا في كل مكان رحناه سوا.. بس للأسف الصور مبتزيدش.. لأنها راحت خلاص.. لو كنت أعرف كنت اتصورت معاكي أكتر كتير وصورتك فيديوهات وانتي بتحكي معايا وتنصحيني”.

وأوضح: “كنت صورتك وانتي بتضحكيني و تضحكي من كلامي.. كنت صورت ضحكتك وطيبتك اللي الناس كلها كانت عارفاها علشان اللي ملحقش يعرفك على الأقل يشوف روحك من الفيديوهات دي وانتي بتتكلمي وتضحكي وتهزري مع صحابي زي عادتك”.

اختتم حسام داغر المنشور:"كنت صورتك وانتي بتحكي عن عيلتنا بكل فخر وحب وعندك حواديت كتيرة عنها وكنتي فاكراها صم.. يا ريتني صورتك كتير.. كان زمان ملف صورنا فيه صور متتعدش وتونسني لما أحب أقعد معاكي.. لكن للأسف الصور في الملف هي هي.. والصور مش هتزيد تاني خلاص".