أحمد سعد عن مشواره الفني :"النجاح مجاش بين يوم وليلة"

روج الفنان أحمد سعد لألبومه الجديد الذي يحمل اسم"حبيبنا" بشكل مختلف عن حملات الدعاية التي اعتدنا عليها، حيث نشر مقطع فيديو ويتحدث عن مشواره الفني منذ الصغر والصعوبات التي واجهها طوال مشواره، حيث أكد حبه للموسبقى منذ الطفولة إلا أن النجاح.

أحمد سعد عن بداية مشواره الفني 

نشر أحمد سعد الفيديو عن مسيرته خلال حسابه الشخصي بموقع التواصل الاجتماعى تبادل الصور والفيديوهات الانستجرام:"وأنا صغير كنت بحب المزيكا أوي أوي.. كنت بشوف كل حاجة ألحان حتى الكلام واخواتي كانوا بيستغربوا أوي.. ازاي طفل بيسمع الحاجات التقيلة دي كنت بسمع المشايخ وأم كلثوم وعبد الوهاب كنت بحاول ألاقي لنفسي شكل الناس تحبني بيه".

تابع أحمد سعد:"عرفت إن الطريق مش سهل وإني محتاج الناس تحبني وفضلت أسعى وأعمل أشكال جديدة من المزيكا الناس تحبها.. قعدت 15 سنة بجرب وأعمل حاجات بحبها وحاجات الناس بتحبها عشان أعرف زوق الناس واحترت لحد ما وصلت إني أعمل اللي الناس بتحبه بالطريقة اللي بحبها وحصل النجاح مجاش بين يوم وليلة.. ناس بقت تحبني وناس بتحب أغانيا وبقيت ببقى طاير وأنا واقف على المسرح والناس بتغني معايا.. بس عرفت ان المسؤولية ابتدت وإني محتاج زي ما بعمل اللي الناس بتحبه كمان أعمل اللي أنا بحبه وأنا مصدق إن اللي بتحبه من قلبك الناس هتحبه معاك".

أحمد سعد يروج لـ ألبوم حبيبنا 

اختتم أحمد سعد حديثه مشوقًا الجمهور لـ ألبوم حبيبنا الذي من المقرر أن يطرحه قريبًا ويترقب طرحه قاعدة جماهيرية كبيرة من محبين أحمد سعد، وقال في نهاية حديثه: “هي دي تجربتي و المرة دي هاخد الناس وأطير في السما باللي أنا بحبه والأيام الجاية هتعرفوا ايه هي التجربة.. استنوا ألبوم حبيبنا".