حقق معجزة.. تامر حسني يتغنى بمجدي يعقوب بعد ابتكاره صمامات قلب حيه

أشاد الفنان تامر حسني بالدكتور مجدي يعقوب بعد ابتكاره صمامات قلب حية يمكن زراعتها في جسم المريض، وهو الدكتور الوحيد في العالم الذي حقق ذلك الانجاز.

وكتب تامر حسني عبر حسابه الشخصي بموقع التواصل الاجتماعي فيسبوك: للي ميعرفش … أولًا.. وأنا طفل كان عندنا درس في العربي إسمُه مجدي يعقوب عشان كان أول طبيب في العالم يعمل عملية زرع قلب وكانت تقريبًا سنة ١٩٨٠ يعني الراجل ده أسطوره في عالم الطب من سنين كتيره مش من دلوقتي.

اختراع دكتور مجدي يعقوب

وتابع: هذا الرجل الملاك وهب كل حياته لخدمة البشريه عارفين يعني إيه كل حياته لحظه بلحظه لخدمة البشريه لخدمة ولادنا لخدمة الإنسانية لخدمة الطب وكل دكاترة المستقبل، النهارده دكتور مجدي يعقوب بيحقق كمان إعجاز طبي جديد بعد ٤٥ سنه من أول إنجاز يعني بصراحه الراجل ده أعظم رمز في العالم للنجاح وفضل ينجح ويتحدى نفسه لحد ما حقق معجزه طبيه مفيش ولا دكتور في العالم عملها إلا دكتورنا المصري العربي.

واختتم تامر حسني: حاجة تشرف أوي حاجه عظيمه اوي الراجل ده لازم يبقى في شوارع وميادين بإسُمه لازم يبقى ليه تمثال لازم يتعمله أكبر تكريم إنساني في تاريخ مصر والعالم كل الشرف والفخر بإنك مصري عربي.