نفسي أقعد معاكم علطول.. مشاهد تملأها المحبة من مشاركة الرئيس السيسي في احتفالات عيد الميلاد المجيد

زار الرئيس عبد الفتاح السيسي الكنيسة الكاتدرائية “ميلاد المسيح” بالعاصمة الإدارية الجديدة، ليهنئ الإخوة الأقباط بعيد الميلاد الجديد.

الاحتفالات بعيد الميلاد المجيد

وظهرت مشاهد تملأها المحبة والمودة من مشاركة الرئيس السيسي في الاحتفالات بالكنيسة الكاتدرائية بالعاصمة الإدارية الجديدة.

واستقبل البابا تواضروس الثاني الرئيس عبدالفتاح السيسي أمام الكاتدرائية في أجواء تملأها المحبة، حيثُ قام بمصافحته بكل محبة.

الرئيس السيسي يهدي البابا تواضروس باقة من الورود

أهدى الرئيس عبد الفتاح السيسي باقة من الورود قداسة البابا تواضروس الثاني، بابا الإسكندرية بطريرك الكرازة المرقسية، بمناسبة عيد الميلاد المجيد.

الرئيس السيسي يصافح عشرات الأقباط

وصافح الرئيس عبد الفتاح السيسي رئيس الجمهورية عشرات الأقباط بمجرد وصوله كاتدرائية ميلاد المسيح بالعاصمة الإدارية الجديدة  للتهنئة بعيد الميلاد المجيد.

الرئيس يلتقط صور تذكارية مع الأقباط

وكذلك التقط الرئيس مع عدد من الأقباط صور السيلفي، في الوقت الذي رفع آخرون هواتفهم المحمولة ليوثقوا تلك اللحظات التي أسعدت قلوبهم.

أعلام مصر ولافتات التحية والترحيب

وكان الأقباط  بكاتدرائية ميلاد المسيح بالعاصمة الإدارية قد استقبلوا الرئيس عبد الفتاح السيسي بأعلام مصر ولافتات التحية والترحيب.

وقال الرئيس عبد الفتاح السيسى، خلال زيارته مقر كاتدرائية ميلاد المسيح بالعاصمة الإدارية الجديدة: "كل عام وأنتم طيبين، وقداسة البابا بخير وسلام، واحنا كلنا إن شاء الله بخير وسلام، احنا كمان بنحبكم وانتو اخواتنا وحبايبنا.. ونأخذ بكل الأسباب لحماية بلادنا".

كلمة الرئيس السيسي في كاتدرائية المسيح

وأضاف: "إن شاء الله عام سعيد، وسنة إن شاء الله تبقى بفضل الله سبحانه وتعالى أفضل من السنوات الماضية، بتابع كل الأمور وبشوف كل ردود الأفعال، والقلق يمكن يكون مبرر، لازم تعرفوا، ومش بكلمكم انتو بس، بكلم الدنيا في مصر وبرا مصر من خلالكم، إن شاء الله السنة دي تبقى أفضل من السنوات اللي فاتت".

وتابع: "بقول القلق مبرر ومشروع يمكن، طب ما السنين اللي فاتت كان فيها قلق، وإن شاء الله تعدي الأمور بسلام، احنا هنا في مصر في حاجات كتير اوي بنعملها محدش من الناس تاخد بالها كتير منها، أول حاجة فيها، إن احنا مش ناسيين إن في رب، وإن الرب ربنا سبحانه وتعالى".

عيد الميلاد المجيد

وأوضح :"يمكن حد ينسى مع الظروف يتهيأله إن الأمور مش ممسوكة كده، مش بينا احنا، البشر، لا الدنيا مش متسابة كده، احنا مؤمنين بالله كلنا صحيح لكن مش عاوزين ننسى، لازم كلنا نبقى متأكدين من النقط دي، لازم كلنا نعرف إن ربنا موجود ومحدش يقدر يعمل أي حاجة في الوجود اللي احنا فيه ده إلا بأمر الله سبحانه وتعالى".

واختتم كلمته: "احنا كدولة، كنت دايما بتتعامل مع الأمور بشرف كبير، وبأمانة كبيرة، وبنزاهة كبيرة، النقطة دي بقولهالكم، لو كان المسؤول عنكم إنسان مش كويس خافوا على بلدكم، لو ايده متعاصة بدم الناس خافوا على بلدكم، لو ايده واخدة أموال الناس خافوا على بلدكم، الحمد لله رب العالمين لا دي موجودة ولا دي موجودة".