إيناس مكي:"أنا مش متزنة نفسيا بعد رحيل أمي"

تحدثت الفنانة إيناس مكي، عن آخر لحظات فى حياة والدتها، مشيرة، أنها كانت تتعامل معها على أنها ابنتها في السنوات الأخيرة قبل رحيلها، مؤكدة، أنها لم تستطيع أن تتخطئ وفاتها.

إيناس مكي تروي ذكرياتها عن والدتها 

قالت إيناس مكي في تصريحات لبرنامج«قعدة ستات» الذي تقدمه الإعلامية مروة صبري:«أنا مش متزنة نفسيًا بعد موت أمي، وجات فترة كنت ما بعرفش أنام، وباقوم مفزوعة ومن كتر عياطي عيني تعبت، أنا عيطت الفترة اللي فاتت كتير جدًا، وحزينة جدا على وفاتها».

و أضافت:«لما كان حد بيسأل ماما عن حاجة تقوله أنا مليش دعوة ،هسأل مامتي كان قصدها عليا أنا وفي آخر تسع سنين في حياتها كنت بعتبرها بنتي مش أمي، موتها كسرني ومفيش فترة كنت بعيدة عنها وكنا جنب بعض علطول».

إيناس مكي عن شقيقها أحمد مكي 

و تابعت:«إشاعة إن فيه خناقة، وإن فيه بينا مشاكل الكلام ده مش مظبوط، يا أخوانا هو ضهري هو سندي هو أخويا، وأخويا مش مجبر أنه يشغلني، والناس بتفكر أن طالما كده يبقى فيه خناقة واحنا منطق الوساطة ده مش عندنا والله، ومش عارفة اذا كان ده عند كل الناس أو لأ، بس إحنا بطبيعتنا إن أنا مبتعداش حتة في حياته، وهو ميتعداش حتة في حياتي، والفكرة مش أنا وهو بس، إحنا الـ 5 إخوات كده».

و أردفت: «زمان كان طلع عليا إشاعة أنا ومجموعة من الفنانات، إني مرفوع عليا قضية، ودا كلام أنا مقبلتش بيه لأنه يمس الشرف والسمعة، وفيه شخص بعتلي وقالي أنا متأكد إن انتي ودي مش إشاعة، ورديت عليه قلتله القضاء ما بينا ورفعت عليه قضية».