شريف دسوقي يوجه رسالة لجمهوره بعد استجابة العوضي لطلبه:"اشقوا في الحياة لآخر نفس"

حرص الفنان شريف دسوقى الرد على كل من أرسل له رسائل على الخاص لمطلبة منه التواسط عند الفنان أحمد العوضي لعمل معه، أو الذي يطلب منه العمل بشكل شخصي، مشيرا، أنه لم يطلب من أحد الفلوس أو المساعدة، أنه لم يمتلك رقم الفنان الخاص.

شريف الدسوقي يرد على طلب الجمهور مساعدته لهم

كتب شريف دسوقي منشور على حسابه الشخصي بموقع التواصل الاجتماعى الفيسبوك:"يسعد ربي قلوبكم وييسر عليكم أيامكم، عايز أنوه بس على حاجة مهمة في موضوع رسالتي للنجم الجميل الإنسان أحمد العوضي، لاقيت ناس بأعداد لا تتخيلوها داخلة تقولي أنا متعسر ومديون بالله عليك كلملي أحمد العوضي، والأدهى اللى داخل يقولي شغلني معاك ويحلفني، طيب بالعقل كدة، هو أنا لو معايا تليفون النجم الخاص هكتبله قدام العالم كله، ولا هقوله قدامهم عايز اشتغل معاك".

وأضاف دسوقي:اتقوا الله بالله عليكم، أنا في حاجة مستغربها وبرج من دماغ هيطير، على الأعداد اللي بتدخل تكلمني خاص عشان أساعدها ماديًا وبأرقام لا تتخيلوها، في حاجة في دين بتقول تراهم أغنياء من كثرة التعفف، فين عزة النفس والنخوة والكرامة يا جماعة، وبكل وضوح أنا جايب الدنيا بطولها وعرضها شقى، وياما عدت عليا أيام قسمًا بالله مش لاقى الرغيف الحاف، طلعت عابر سبيل ألف في كل شوارع إسكندرية على شغل".

شريف دسوقي يكشف عن أصعب أيام فى حياته 

تابع:"عمري ما قلت لحد سلفني في عز ما كنت مديون لطوب الأرض، وسعيت وتعبت وقاومت لحد ما ربنا والحمد لله كرمني، وسترني عشان بس محدش من اللي هيدخل يعلق يزايد عليا، أو يقول إني مش حاسس بالناس".

اختتم الفنان شريف دسوقى حديثه:"اتقوا الله واسعوا واشقوا في الحياة لآخر نفس".

شريف دسوقى يطلب العمل من أحمد العوضي 

الجدير بالذكر، أن الفنان شريف دسوقي طلب من النجم أحمد العوضي، اعلمل معه، من خلال تعليقات على لايف له بموقع التواصل الاجتماعى الفيسبوك:"عاوز اشتغل معاك"، رد العوضي على طلبه في منشور على حسابه الفيسبوك:"الزميل الغالي علي قلوبنا أنا مشفتش التعليق علي اللايف للأسف وطلبك علي رأسي يا شريف انا اتشرف بالشغل معاك يا حبيبي وأزيد بيك وأعلي بيك وأن شاء الله هيجمعنا عمل في الوقت القريب وأنا من معجبينك يا شريف ومن محبين دورك الجميل مع الزميلة الغالية نيللي كريم في مسلسل ب ١٠٠ وش".