تاريخي خلص كام قلم.. محمد رمضان يطرح أحدث أغانيه «أنا البلد»

طرح الفنان محمد رمضان أحدث أعماله الغنائية، التي حملت اسم “أنا البلد”، وذلك عبر قناته الرسمية بموقع الفيديوهات الشهير “يوتيوب”.

الأغنية من كلمات مصطفى حدوتة، ألحان كلوبيكس وتاج، وتوزيع كلوبيكس، ونالت الأغنية على إعجاب الكثير من رواد السوشيال ميديا منذ الوهلة الأولى من طرحها.

كلمات الأغنية

أنا حاطط عاللي حطوا عليك
ومزعل اللي مزعلك
كاسر عين اللي كسروا عينيك
ومشغل اللي مشغلك
بلعب باللي لاعبين بيك
جاي تنافس مين يالا ؟
أنا فوق فوق الناس اللي فوقيك
وكبير كبيرك يبقى أنا

أنا البلد يابن البلد.. أساسي يا كمالة عدد
لما أجي تحسوا بهدد.. ولد.. أسد
جه الملك رفع العلم.. تاريخي خلص كام قلم
لما أجي تحسوا بآلم.. علم.. هرم

انا مداين اللي بيداينوك
ومسلف اللي مسلفك
انا مضايقك اللي بيضايقوك
ومخوف اللي مخوفك
انا اسكت اللي يسكتوك
وبسمع اللي يسمعك
وبثبت اللي يثبتوك
وهو ده اللي بيوجعك

أنا البلد يابن البلد.. أساسي يا كمالة عدد
لما أجي تحسوا بهدد.. ولد.. أسد
جه الملك رفع العلم.. تاريخي خلص كام قلم
لما أجي تحسوا بآلم.. علم.. هرم