قولت أقرب لربنا.. مي عبد النبي تكشف حقيقة اعتزالها الفن

كشفت الفنانة مي عبد النبي حقيقة اعتزالها، وذلك خلال لقائها ببرنامج الستات التي تقدمه الإعلامية مفيدة شيحة، عبر فضائية النهار.

وقالت مي عبد النبي: طول الفترة اللي فاتت أنا معتزلتش، يمكن مش من أدام الكاميرا، من خلف الكاميرا، طول الفترة اللي فاتت بامارس الفن في الإذاعة، مافيش أسبوع بيعدي غير لما أكون عملت حاجة في الإذاعة، وطبعًا موضوع الدوبلاج خد مني وقت طويل ومحبة، أنا بعمله بحب.

اعتزال مي عبد النبي

وأضافت: أنا مختفية، لكن معتزلتش بدليل إني موجودة في الوسط، الفكرة إن الحجاب فرض عليّ أدوار معينة، وخدت قرار الحجاب من 20 سنة، من غير أي أسباب غير أن قلبي قال لي أقرب لربنا من وجهة نظري.

وواصلت: دا كان اللي اقدر اعمله دلوقتي، اجتمعت بأولادي وقلت لهم إني خدت القرار عشان اقرب من ربنا وأرضيه وطبعًا دا هيأثر على دخل حياتنا، والاثنين قالوا لي يلا.