تامر حسني يمسك المايك لـ رامي صبري: صاحبي من أيام الطفولة

أعرب الفنان تامر حسني عن سعادته البالغة بتعاونه مع الفنان رامي صبري، في عمل غنائي جديد، مشيرًا إلى أن علاقتهما ممتدة منذ الطفولة.

وكتب تامر حسني في منشور عبر حسابه الشخصي بموقع التواصل الاجتماعي فيسبوك: حبيبي يا رامي إنت قبل ما تكون نجم كبير و مُهم إنت صاحبي من أيام الطفوله و دي حاجات الناس متعرفهاش و يمكن مكنش في فُرصه نحكي ده قبل كده.

تعاون رامي صبري وتامر حسني

وأضاف: إنت يا رامي صاحب عُمر و مشوار مشيناه من الطفوله و أنا في الصوره ماسك المايك لأخويا و لصوت مصري عظيم يستحق …. شُكراً يا حبيبي على كلامك الغالي اللي من القلب أنا فعلاً إشتغلت معاك من كل قلبي و بكُل حرص علينا إحنا الاتنين بكُل التفاصيل بدافع الحُب و الصداقه و إن ربنا يكرمنا مع بعض.

تعاون رامي صبري وتامر حسني

وواصل: أعتقد إن التعاون ده هيحمس كُل جيلنا إنه يعمل أفكار مشاركه كده وأنا بنادي بيها من زمان من أيام تامر و شيرين و بعدها تامر و بهاء في أغنية قوم اقف وأنا وإنت بعدها إتكلمنا من سنين عشان نجمع البعض من جيلنا و عملنا المستحيل و للأسف معرفناش فقولنا نبدأ بنفسنا عشان نحمس الكُل.

وأختتم تامر حسني حديثه قائلًا: حقيقي جمهورنا يستاهل مننا كُل الجديد و كل المُفاجآت اللي تفرحه و المطربين اللي هييجوا بعدنا يستحقوا إنهم يتعلموا ده مننا عشان يكملوه للي بعدهم إنتظروا كليب فعلاً مبيتنسيش بيني و بين أخويا النجم الكبير رامي صبري باشا.