محمد التاجي يطمئن جمهوره عبر موقع «بصراحة»: بقيت بخير كانت عملية بسيطة ومش في القلب

كشف الفنان محمد التاجي تفاصيل حالته الصحية بعد إجراؤه عملية جراحية عاجلة في الساعات الأخيرة، مشيرًا إلى أنها ليست في القلب كما تداول البعض.

وقال محمد التاجي في تصريح خاص لـ"بصراحة": الحمد لله بقيت بخير كانت عملية بسيطة ومش في القلب زي ما الناس قالت وكبرت المواضيع على الفاضي.

محمد التاجي يثير الجدل

 وسبق وآثار محمد التاجي الجدل بتصريحاته، قائلا: بتجيلي أدوار عيب أوي وعمال ارفض فيها اليومين دول.. زمان كان اسمها أفلام مقاولات ورجعت تاني لكن دلوقتي بقت أفلام ميكروباصات.

وتابع حديثه عن الفن في الفترة الحالية: كل عصر في الطالح والصالح وكان في احترام كبير ما بينا وبين بعض، وكنا بناخد بإيد الوجوه الجديدة، وكنا بمجرد ما ندخل البلاتوه مش شايف نجوم كلنا شغالين مع بعض.. نور الشريف كان بيعلمنا في اللوكيشن، لكن دلوقتي الأجيال معندهمش ثقة بالنفس، عشان تساعد الناس اللي طالعة، وفي ممثلين بيقعدوا على المونتاج عشان يبوظوا لزمايلهم شغلهم، والمخرج بيكون ضعيف الشخصية.

محمد التاجي في مسلسل العتاولة 

من ناحية أخرى، كان تألق الفنان محمد التاجي في مسلسل العتاولة والذي تم عرضه ضمن سباق مسلسلات رمضان 2024، وشارك في بطولته أيضا كلا من النجوم أحمد السقا، طارق لطفي، زينة، باسم سمرة، مي كساب، أحمد كشك، هدى الإتربي، نهى عابدين، ميمي جمال، زينب العبد، منة تيسير، مصطفى أبو سريع، مريم الجندي، مؤمن نور، محمد التاجي، يسرا الحديدي وغيرهم من تأليف هشام هلال، ومن إخراج أحمد خالد موسى، ودارت أحداث المسلسل في إطار 30 حلقة تم عرضهم على منصة شاهد الإلكترونية وقناة mbc مصر وحقق العمل نجاحات ساحقة خلال فترة عرضه.