محمد صلاح آدم لـ موقع بصراحة:«بيجيبوا بلوجر أو بتاع المهرجانات يعمل مسلسل ويبقي نجم»

تحدث الفنان محمد صلاح آدم عن استغاثته من قلة العمل، مشيرا، أن هذا ليس مشكلته بمفردة، لكن أزمة جيل بكاملة، مضيفا، أن الدكتور أشرف زكي كان له دور كبير فى دعمه ومساندته.

محمد صلاح آدم يستغيث من قلة العمل 

قال الفنان محمد صلاح آدم، فى تصريح خالص لـ"بصراحة الإخباري":"أنا كتبت على الفيسبوك، البوست، لان كنت عايز أوضح للناس أن سبب عدم مشاركتي الفنية، خارجه عن إرادتى، مليش ذنب فيه، لأن فى الناس  كانت بتقابلني تقولي إنت مقصر ومش بتكلم منتجين، اشمعنا انت اللي قاعد فى ناس كتير شغالة، بقولهم لا أنا بعمل إللي عليا كله".

أضاف:"احنا بقينا في عصر غريب جدا. واحدة طالعة على التيك توك تعمل عرض لمنتج،فيجبوها تعمل فيلم ومسلسل وتبقى نجمة، أو يجبوا واحد بتاع مهرجانات يبقوا نجوم، حاجة بتجنن".

محمد صلاح آدم يكشف سبب قلة أعمال الفنانين 

تابع محمد صلاح آدم حديثه:"جيل كامل من الفنانين والموهوبين الحقيقيين خريجين معهد الفنون المسرحية قسم التمثيل، والاخراج ما بيشتغلوش، أنا فى عام 2020م كنت بصرخ من قلة الشغل، وكتبت بوست كبير عن فكرة البروتوكول اللي مفروض يتعامل ما بين المتحدة، ما بين الاكاديميات الفنية او بين النقابة، علشان نوصل لحل، دكتور أشرف زكي كان دائما يحاول أن يدعمني ويخرجني من الحالة النفسية السيئة، لولا أشرف، كنت انتهيت".

استكمل حدثه:"الفنان زمان كان مثقف وواعي لقضايا المجتمع، احنا هنوصل لفين هي، بيقولوا يصنعوا نجوم ولا هو مش يبقي مثقف ملوش علاقة باي حاجة في الدنيا. ويبقى نجم، فى شباب كتير ياخدوه قدوة ".