محمد صلاح آدم: نفسيتي صعبة وحاولت الانتحار بسبب قلة الشغل

أعرب الفنان محمد صلاح آدم عن استيائه الشديد من قلة مشاركته في أعمال فنية، مشيرًا إلى أنه تواصل مع العديد من شركات الإنتاج والمخرجين لكن دون جدوى. 

وكتب محمد صلاح آدم في منشور له عبر حسابه الشخصي بموقع التواصل الاجتماعي فيسبوك: طيب بالنسبة للناس الكتير اللي بتقابلني وتقولي انت فين يافنان انت موهوب قوي وصادق ليه مش بنشوفك في التليفزيون بالسنين وبيجيبوا اللوم عليا اني مش بسعى ومش بكلم المخرجين والمنتجين عوجان مني. 

وأضاف: والله العظيم أنا بسعى وبكلم المخرجين والمنتجين ومساعدي الإخراج والمنتجين الفنيين واكاسينج دايريكور ولغاية من يومين بروح أعمل اوديشين اللي هو تيست كاميرا و90 % منهم مش بيردوا أصلا على الموبايل ولا حتى واتساب .. طيب اقولكوا حاجة اقسم بالله انا فكرت جديا في الانتحار في وقت كان صعب جدا عليا نفسيا لولا وقوف بعض الاصدقاء جنبي ورجعوني للحياة تاني زي الدكتور أشرف ذكي. 

وواصل: أنا ثقتي في ربنا كبيرة ومتأكد انه الميعاد المناسب اللي هو هيختاره وكل مخرج ومنتج ومؤلف وحتى منتج فني سعيتله وكلمته علشان اشتغل معاه ومشتغلتش اقسم بالله هو اللي خسران.