جيهان مديح: الرئيس السيسي ركز على أهمية دور الشعب كدرع وسند للدولة

أكدت الدكتورة جيهان مديح، رئيسة حزب مصر أكتوبر، إن كلمة الرئيس عبد الفتاح السيسي خلال زيارته إلى أكاديمية الشرطة حملت رسائل وطنية شديدة الأهمية، تعكس رؤية القيادة السياسية للحفاظ على استقرار الدولة وحمايتها من التحديات الداخلية والخارجية.

وعي المواطنين

وأوضحت في تصريحات صحفية لها اليوم، أن الرئيس السيسي ركز على أهمية دور الشعب المصري كدرع وسند للدولة، مشددة على أن الحماية لا تقتصر على الجيش والشرطة فقط، بل تبدأ من وعي المواطنين، لافتة أن الرئيس حرص على بعث رسالة طمأنة داخلية بأن مصر تملك أدواتها لحماية أمنه القومي، ورسالة للخارج بأن الدولة قوية ومستعدة للتعامل مع أي تهديدات.

وأشارت إلى أن حديث الرئيس عن حجم الشائعات والأكاذيب التي تواجهها مصر، يعكس إدراك الدولة لخطورة الحروب النفسية والإعلامية، مؤكدة أن التصدي لها يتطلب وعيا مجتمعيا دورا إعلاميا فاعلا، حيث إن  عملية الشر والاستهداف لمصر لن تنتهي، هو الأمر الذي بمثابة تنبيه للشعب للبقاء يقظا متفطنا أمام محاولات التخريب التي تستهدف استقرار وطننا الغالي.  

 توفير السلع الأساسية

  ولفتت مديح أيضا أن كلمة الرئيس تضمنت الحديث عن هيئة الشراء الموحد ودورها في توفير السلع الأساسية بأفضل الأسعار مل يعكس حرص الدولة على التخفيف عن كاهل المواطن ودعم الاقتصاد الوطني.، مؤكدة أن دعوة الرئيس للتعاون بين كافة الأطراف لتحقيق التوازن في السوق تعكس نهجا تشاركيا يعزز من استقرار الاقتصاد المصري، مشيرة إلى أن رؤية الرئيس السيسي تمثل خارطة طريق واضحة للحفاظ على الدولة المصرية.

وسائل التواصل ونشر الشائعات

وجدير بالذكر، قال الرئيس عبدالفتاح السيسي إن الخطة التي نفذت مع مصر كانت خطة جديدة، موضحًا: «كانت أول مرة نشوف مواقع التواصل الاجتماعي تستخدم في تحريك الدنيا، ولغاية دلوقتي في حجم من الشائعات والكذب كتير أوي».

وأضاف السيسي، خلال كلمته في زيارة لأكاديمية الشرطة، والتي نقلتها قناة «إكسترا نيوز»، اليوم السبت: «كفاءة الكذبة إنه يكون فيها جزء حقيقي، ثم يتحط الأجزاء الأخرى، اللي الهدف منها تعظيم الضرر، دي خطط، وده شغل، وده مش هينتهي».

وتابع: «زي شائعة موضوع اختطاف الأطفال والنساء، وكإن مفيش أمن، أنا هفترض إن ده موجود بالفعل، هو الصح إنك تقوم تهدها، عشان تزود أكتر بدل ما يبقى الخطف نسبة قليلة يكتر، بدل من الخراب يبقى أد كده يكون أكتر».

وأوضح: «اوعى تفتكر إن ده حاجة داخلية، لأ، الشغل بيتعمل من أجهزة مخابرات، وأنا مش بتكلم على دول خالص، من حق الناس إنها تفكر تخربنا، لما تلعب مباراة الخصم اللي قدامك بيكون عايز يهزمك، مهارتك إنك تكون مدرب ومستعد تفشل خطته».

وأكمل السيسي: «لازم تكونوا عارفين إحنا لينا خصوم، والخصوم مش مصلحتهم إن مصر تبقى كويسة، بلد فيها 120 مليونا، معدلات الحركة والنمو بتاعتها لو استمرت كده لمدة 10 أو 15 سنة هنكون في حتة تانية، بفضل الله، مع غيري، مع اللي بعدي، متقعدوش كل شوية تهدوا في بلدكم».

واستطرد: «خلّوا بالكم، هما يومين واللي بعدي جاي، واللي بعد منه جاي، لكن البلد اللي قاعدة بناسها، يبقى نهد في بلدنا ولا نحافظ عليها؟! الخصم لن يتوقف وهيفضل شغال دلوقتى وبكره والسنة الجاية والسنين اللي بعدها، ودي حكمة ربنا في الوجود اللي إحنا فيه، هو التدافع بين الدول والأمم، والأمة اللي تصمد وشعبها بيركز في الأرض ويصبر ويشتغل، ربنا يديله أسباب النجاح، إحنا نحافظ على كل حتة طوب في مصر على كل شجرة على كل زرعة».

وتابع الرئيس: «اوعى تفتكر إن ربنا يعز أبدًا اللي بيهد، بس هيتحاسب امتى؟! الدولة اللي بتهد دولة هتتحاسب امتى، انت فاكر إنه دلوقتي، ممكن بعد 10 سنوات أو 20 سنة، اوعى تخرب انت تعمر وتبني وتصلح بس، والباقي على الله سبحانه وتعالى».