بلاش نرجسية.. أول تعليق من كزبرة على سخرية محمد رمضان منه

علق المطرب الشاب كزبرة على سخرية الفنان محمد رمضان منه، عبر لقائه مع موقع “بصراحة”، خلال منتدى السينما والمناخ الذي أُقيم بسينما راديو وسط البلد أمس.

وكتب كزبرة عبر خاصية الاستوري بحسابه الشخصي بموقع التواصل الاجتماعي لتبادل الصور والفيديوهات القصيرة “انستجرام”: والله يجماعة الكلام ده نفسي اقوله من بدري بس حاسس ان ده وقته انا مش عارف ليه كل لما انجح في ناس بتحاول تتطلع صورتي وحشة انا بجد نفسيا مبقتش قادر وبقالي فتره كبيرة كل لما اعمل حاجة حلوة مبقتش عارف اتبسط بيها ونفسيا مش احسن حاجة.

كزبرة يرد على محمد رمضان

وواصل: ربنا اللي عالم الواحد كل اللي يهمه انه يقدم حاجة تعجبكم وتسعدكم بس في ناس بتتعامل مع اللي بيقدم حاجة كوميدية علي اساس انه شخص تافه مش موهوب والواحد عشان بيتعامل بطبيعته ومش بيتصنع بتحاولوا تشوفوا ازاي تطلعوا في عيب قدام جمهوره واخواته الي بيحبيوه .. زي ان يتنسبلي كلام مقلتهوش او يتقلل مني بحاجات قديمة عملتها.

وأختتم كزبرة حديثه قائلًا: احيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم انا مش عارف ليه وده السبب الي ببيخلي انسان طيب اول ما ينجح يتحول لانسان عنده نقص وعنده حرب مع كل الي حوليه زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع فانا يجماعة مش عايز اوصل للمرحلة دي انا عايز ابقي انسان طيب وفحالي واشتغل علي نفسي واقدملكم فن يعجبكم ويبسطكم هو ده هدفي فبلاش تتعاملوا مع الواحد باسلوب هو مش حبه وشكرا لكل واحد بيدعمني من قلبه واي حذ بيحب اللي بقدمه او حتى بينتقده بأسلوب كويس انتم اللي تهموني.